"ამას თქვენ მწარედ ინანებთ!" - ნეკა დოროყაშვილის ადვოკატი ბასილაშვილის საქმის მოსამართლეს მიმართავს: რას წერს ანა აბაშიძე?
ჩოგბურთელ ნიკოლოზ ბასილაშვილის ყოფილი მეუღლის ნეკა დოროყაშვილის ადვოკატი ანა აბაშიძე მოსამართლე ხათუნა ხარჩლავას მიმართავს, რომ ის აუცილებლად ინანებს საკუთარ გადაწყვეტილებას, რომელიც ბასილაშვილის საქმეზე გამოიტანა:
"გეფიცებით არ წყდება ჩემთან უცხო ქალების წერილები. შინაარსი ერთია - "ანა მეც ძალადობის მახვერპლი ვარ სასამართლომ უნდა მომისმინოს, მეშინია, დავიბენი, უიმედობა დამეუფლა “.ბევრი უცნობი ქალი მწერს.
გულის გამგმირავია ეს წერილები წესით ეს წერილები თქვენ გეკუთვნით ქ. მოსამართლევ, ხათუნა ხარჩავა!!! ამას თქვენ მწარედ ინანებთ მაგრამ გვიანი იქნება!" - წერს ანა აბაშიძე.
ფიზიკურ და ფსიქოლოგიურ ძალადობაში ბრალდებული ჩოგბურთელი ნიკოლოზ ბასილაშვილი სასამართლომ უდანაშაულოდ ცნო.
აღნიშნული გადაწყვეტილება თბილისის საქალაქო სასამართლოს მოსამართლემ ხათუნა ხარჩილავამ გამოაცხადა.
განაჩენის გამოცხადებას მხოლოდ ბრალდებული ნიკოლოზ ბასილაშვილი ესწრებოდა, სასამართლოზე არ გამოცხადებულა ნელი დოროყაშვილი.
ნიკოლოზ ბასილაშვილის წინააღმდეგ წარმოებულ საქმეზე 2 წლის განმავლობაში სასამართლოში არაერთი მტკიცებულება გამოიკვლიეს, მათ შორის, დაკითხნენ როგორც დაცვის მხარის, ასევე ბრალდების მხარის მოწმეები.
პროკურატურა აცხადებდა, რომ საქმეში ნიკოლოზ ბასილაშვილის მიმართ წარდგენილი ბრალდების დამადასტურებელი არაერთი მტკიცებულება ჰქონდათ წარდგენილი. ასევე, ბრალდების მხარე განმარტავდა, რომ დაზარალებულ ნელი დოროყაშვილის მიერ სასამართლოში მიცემული რამდენიმე საათიანი ჩვენება ზუსტად თანხვედრაში იყო საქმეში არსებულ მტკიცებულებებთან.
საპირისპიროს აცხადებდა დაცვის მხარე. ადვოკატების თქმით, ნიკოლოზ ბასილაშვილის მხრიდან არც ფიზიკურ და არც ფსიქოლოგიურ ძალადობას არ ჰქონია ადგილი.
უფლებადამცველების განცხადებით, ნელი დოროყაშვილმა სასამართლოში ცრუ ჩვენება მისცა.
ნახეთ ასევე:
- "პირველ რიგში, შვილთან გაციებული ურთიერთობის აღდგენა მინდა დავიწყო" - ნიკოლოზ ბასილაშვილის პირველი კომენტარი განაჩენის შემდეგ
- "ეს ვიდეოჩანაწერი გახდა სპეკულაციის ნაწილი" - მოსამართლის თქმით, სასტუმროში გადაღებულ ჩანაწერში დოროყაშვილზე ძალადობის ფაქტი არ ჩანს
- "ახლა ვიწყებ რეალურ ბრძოლას... ამ ქალბატონმა დღეს განაჩენი გამოუტანა მთელი საქართველოს ქალებს" - ნეკა დოროყაშვილის პირველი კომენტარი განაჩენი შემდეგ