"ღმერთმა დაიფაროს, ფინალში მოიგონ, წარმოდგენაც მეშინია, როგორ შეიძლება აღნიშნონ“ - ოლივიე ჟირუსა და კილიან მბაპეს ფოტო, რომელზეც გულშემატკივრები ხალისობენ
ევრო 2020-ის მიმდინარეობისას, სოციალურ ქსელებსა და სხვადასხვა მედია არხებში აქტიურად იწერებოდა საფრანგეთის ეროვნული ნაკრების თავდამსხმელების, ოლივიე ჟირუსა და კილიან მბაპეს შესაძლო კონფლიქტზე.
მაშინ საფრანგეთმა 1/8 ფინალში შვეიცარიელების დამარცხება ვერ მოახერხა. გადამწყვეტი პენალტი მბაპემ ვერ გაიტანა.
კატარის მსოფლიო ჩემპიონატზე, 4 დეკემბერს, საფრანგეთმა პოლონეთს 3:1 სძლია. კილიანმა ჯერ ოლივიეს გაატანინა გოლი, შემდეგ კი თავად ორჯერ დალაშქრა პოლონელების კარი.
თავდამსხმელებმა ისე აღნიშნეს გოლი, რომ ყველასთვის ნათელი გახდა - მათი კონფლიქტი სამუდამოდ დასრულდა.
ფეხბურთელების ემოციური ზეიმი, რა თქმა უნდა, არ გამორჩათ გულშემატკივრებსაც, რომლებმაც არაერთი ხუმრობა მოიფიქრეს. გავრცელდა ფოტო, რომელზეც ფანები ბევრს ხალისობენ.
გთავაზობთ სოციალური ქსელებიდან ამოკრეფილ რამდენიმე მათგანს:
- "მბაპე მზად იყო ჟირუსთვის ფრანგული კოცნა ეჩუქნა, ოლივიემ ის დროულად შეაჩერა“.
- "რა ქვია ამ ფილმს?“
- "ბიჭებო, აღიარეთ, როდისმე თქვენს გოგოს თუ შემოუხედავს ისე, როგორც მბაპე უყურებს ჟირუს?“
- "როცა ახალი შერიგებულები ხართ...“
- "მბაპე ალერსით ანიშნებს ჟირუს, რომ მის გატანილი გოლების რეკორდს მალე მოხსნის.“
- "არ მეგონა ამ სცენაში თუ ვინმე აჯობებდათ, მაგრამ მბაპემ და ჟირუმ ეს შეძლეს“
- "ასეთი აღნიშვნის გამო, შეიძლება მბაპე და ჟირუ კატარიდან გააძევონ“
- "კარგია, რომ ბენზემა არ არის, შესაძლოა ეს სურათი ვერ გვენახა. არ მიყვარს მესამეები.“
- "ღმერთმა დაიფაროს, ფინალში მოიგონ, წარმოდგენაც მეშინია, როგორ შეიძლება აღნიშნონ“
- "ამათ უფრო თბილი ურთიერთობა აქვთ, ვიდრე მე და ჩემს შეყვარებულს“
- "მგონი, მბაპემ და ჟირუმ One Love-ს კამპანიის მხარდაჭერა, ძალიან პირდაპირ გაიგეს“
- "ასე თუ გააგრძელეს აღნიშვნა, შესაძლოა, რუსეთში აგვიკრძალონ ჩემპიონატის ყურება... მიხვდებით, რისი პროპაგანდის მოტივით“
ცნობისთვის, საფრანგეთი ¼ ფინალში ინგლისს შეხვდება.
იხილეთ ასევე:
მოამზადა ანრი კურტანიძემ