"ბატონმა მიხეილმა ცუდად იგრძნო თავი, გახდა ცუდად, ექიმიც გამოიძახეს და ამ ეტაპზე უარს აცხადებს ჩართვაზე" - რას თქვა შალვა ხაჭაპურიძემ სასამართლოზე
ექსპრეზიდენტ მიხეილ სააკაშვილის ადვოკატის, შალვა ხაჭაპურიძის განცხადებით, ყოფილ პრეზიდენტთან კლინიკაში მეორე ადვოკატი ილია ლომია იმყოფება, რომელმაც შეატყობინა, რომ მიხეილ სააკაშვილი ცუდად გახდა და ამ ეტაპზე უარს აცხადებს, რომ ჩაერთოს სასამართლოს.
- ამის შესახებ ხაჭაპურიძემ თბილისის საქალაქო სასამართლოში განაცხადა, სადაც განიხილავენ ექსპრეზიდენტ მიხეილ სააკაშვილისთვის სასჯელის გადავადების საკითხს,
“ახლახან დამიკავშირდნენ და თქვეს, რომ ბატონმა მიხეილმა ცუდად იგრძნო თავი. მიხეილ სააკაშვილი გახდა ცუდად, აქედან გამომდინარე, ექიმიც გამოიძახეს და ამ ეტაპზე უარს აცხადებს ჩართვაზე.
მაგრამ თუ პენიტენციური სამსახური მოახერხებს და ჩართავს, არ ვიცი, შეიძლება გამომჯობინდეს და ჩაერთოს სასამართლო პროცესზე", - თქვა ხაჭაპურიძემ.
ცნობისთვის, დღეს ხანგრძლივი პერიოდის შემდეგ პირველად მიეცა პატიმრობაში მყოფ ექსპრეზიდენტ მიხეილ სააკაშვილს შესაძლებლობა, რომ სასამართლოს დისტანციურად, კლინიკა "ვივამედიდან" დასწრებოდა. სააკაშვილმა საუბარი უკრაინულ ენაზე დაიწყო, რისი საშუალებაც მოსამართლემ არ მისცა.
- ნახეთ ასევე:
- ხმაური მიხეილ სააკაშვილის სასამართლო პროცესზე - ექსპრეზიდენტმა საუბარი უკრაინულად დაიწყო, მოსამართლემ უფლება არ მისცა: რა ხდება ამ წუთებში (ვიდეო)
- "მინდა ბატონ მიხეილს მივმართო, აიწიოს პერანგი და საზოგადოებამ შეხედოს. აზოვის ბიჭები რომ გამოუშვეს, დაახლოებით, იგივე მდგომარეობაა" - შალვა ხაჭაპურიძე