შვედურ სატელევიზიო გადაცემაში "ვის სურს გახდეს მილიონერი?" 350 000 შვედური კრონა მოიგო ახალგაზრდამ, რომელმაც ქართველ ფეხბურთელ ხვიჩა კვარაცხელიაზე დასმულ შეკითხვას სწორად უპასუხა.
"სადაურია იტალიის სერიას ა-ს გუნდის, "ნაპოლის" ფეხბურთელი ხვიჩა კვარაცხელია"- ეს იყო შეკითხვა.
სავარაუდო პასუხები კი ასეთი იყო: 1. ჩრდილო მაკედონელი 2. ქართველი 3. მოლდოველი 4. ალბანელი
მოთამაშემ დაუფიქრებლად უპასუხა, რომ ხვიჩა კვარაცხელია ქართველია. როდესაც მისი პასუხი გამწვანდა, მან ისიც დაამატა, - კვარაცხელიას მარადონას ადარებენო.