მანდატურის დირექტორად დანიშვნის გამო, 173-ე სკოლაში სასწავლო პროცესი შეჩერებულია
თბილისის 173-ე საჯარო სკოლაში ამ დრომდე სასწავლო პროცესი შეჩერებულია. მოსწავლეთა უმრავლესობა სკოლის ეზოშია შეკრებილი და ახალი დირექტორის დანიშვნას აპროტესტებს.
სკოლაში იმყოფება განათლებისა და მეცნიერების მინისტრი დიმიტრი შაშკინი, რომელიც პედაგოგებს ხვდება. მას ჯერ პრესასთან კომენტარი არ გაუკეთებია.
როგორც მოსწავლეებმა და მშობლებმა "ინტერპრესნიუსს" განუცხადეს, 173-ე საჯარო სკოლის დირექტორი მზია გიორგობიანი მას შემდეგ გაათავისუფლეს, რაც სკოლის რამდენიმე მე-12 კლასელმა რუსთაველის გამზირზე გამართულ მოსწავლეთა საპროტესტო აქციაში მიიღო მონაწილეობა. ახალი დირექტორი კი, მანდატურთა შემადგენლობიდან დანიშნეს და მას მოსწავლეებთან მინიმალური ურთიერთობაც არა აქვს დამყარებული.
როგორც ერთ-ერთმა მშობელმა "ინტერპრესნიუსთან" საუბრისას განმარტა, მოსწავლეებს სკოლაში არასათანადოდ ექცევიან, არა აქვთ გათბობა, არ არის მოწესრიგებული კვების ობიექტი.
ერთ-ერთმა მოსწავლემ ისიც განაცხადა, რომ მათ მუდმივად ემუქრებიან სკოლიდან გარიცხვით იმ შემთხვევაში, თუ არ დაემორჩილებიან მანდატურების მოთხოვნას.
ბაია პატარაიას თათია სამსახარაძე და უფლებადამცველები დაუპირისპირდნენ - „სამი წელია პირში წყალი მაქვს დაგუბებული...“
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
