"რაც ვნახე, სიტყვით გამოსვლების დროს აქცია იშლებოდა... ხალხს არ აინტერესებს თემები, რომელსაც პოლიტიკური სპექტრი ატენის" - ჩერგოლეიშვილი გუშინდელ აქციაზე
"ტაბულას" დამფუძნებელი თამარ ჩერგოლეიშვილი გუშინდელ აქციას ეხმაურება. როგორც ის სოციალურ ქსელში წერს, აქციით გამოჩნდა, რომ ქართველ ხალხი მკაფიოდ უჭერს მხარს უკრაინას, მაგრამ მათ არ აინტერესებთ "უბრალო პოლიტიკური თემები, რომელსაც პოლიტიკური სპექტრი ატენის".
გუშინდელი აქციის შთაბეჭდილებები:
1. ქართველ ხალხი ძალიან მკაფიოდ უჭერს მხარს უკრაინას და ქუჩაში გამოდის შთამბეჭდავი რაოდენობით.
2. რაც აინტერესებს, იმ თემაზე ქართველი ხალხი გარეთ გამოდის. უბრალოდ, თემები, რასაც პოლიტიკური სპექტრი ატენის 24 საათი ქართველ ხალხს არ აინტერესებს - მისი დრამა არაა, სხვისი საპნის ოპერაა.
3. კოლექტიური გუბაზ სანიკიძე არის ამ ქვეყნის ეროვნული ინტერესების მოსისხლე მტერი. მისი ყველა დამქირავებელი და ეთერის დამთმობი არის უბრალოდ, ფსკერზე მოფართხალე გოიმი და ცივილიზებულ გარემოში არ უნდა გარიო - ეს ხალხი არის ამ ქვეყნის ჰიგიენური პრობლემა.
4. ხალხს ეზიზღება არაფრის მთქმელი ღრიალი მიკროფონში და დრონით რაც ვნახე, სიტყვით გამოსვლების დროს აქცია იშლებოდა (ვინც იღებდა, შეუძლია გადაამოწმოს).
მოკლედ, ხალხი ბევრად ბრძენია, ვიდრე პოლიტიკური სპექტრი. ამიტომ მაქვს იმედი, რომ ყველაფერი კარგად იქნება. და ამიტომ ვრჩები ამ საქმეში ხალისით - ხალხის იმედით" - წერს ჩერგოლეიშვილი.
ნახეთ ასევე: