ავტორი:

"ვბრუნდებით მშვიდობით და ჯანმრთელად... ვცდილობდით, ყველგან ვყოფილიყავით, სადაც დახმარება სჭირდებოდათ" - რას წერს ქართველი მაშველი თურქეთიდან დაბრუნების შემდეგ?

"ვბრუნდებით მშვიდობით და ჯანმრთელად... ვცდილობდით, ყველგან ვყოფილიყავით, სადაც დახმარება სჭირდებოდათ" - რას წერს ქართველი მაშველი თურქეთიდან დაბრუნების შემდეგ?

პრემიერ-მინისტრის, ირაკლი ღარიბაშვილის გადაწყვეტილებით, ქართველი მაშველები თურქეთიდან სამშობლოში სპეციალური ჩარტერული რეისით ჩამოფრინდნენ. შინაგან საქმეთა სამინისტროს საგანგებო სიტუაციების მართვის სამსახურის მაშველებმა თურქეთში მიწისძვრის შედეგების სალიკვიდაციო და სამაშველო მისია დაასრულეს.

ერთ-ერთი მაშველი, რომელიც ამ პერიოდის განმავლობაში თურქეთში იმყოფებოდა, ბექა მეშველაშვილია. სამშობლოში დაბრუნების შემდეგ ის სოციალურ ქსელში წერს:

ვბრუნდებით. ვბრუნდებით მშვიდობით და ჯანმრთელად, პირველ რიგში მინდა მადლობა გადავუხადო ყველას, ვინც გვგულშემატკივრობდადა გვამხნევებდა.. მადლობა, ვინც მომცა ამ რთულ და საპასუხისმგებლო მისიაში ჩართვის საშუალება, ჩვენმა ბიჭებმა უმძიმესი შრომა გაწიეს და თავ დაუზოგავად იბრძოელეს თითოეული სიცოცხლის გადასარჩენად.

ჩვენი ლოკაცია ქალაქ ადიამანში იყო. იქ კი ქართველ მეხანძრე-მაშველებს განსაკუთრებულად ხვდებოდნენ, ხელებზე კოცნით, თან ამბობდნენ "georgian brothers". ყველას უნდოდა, რომ მათი ოჯახის წევრის საძბნელად ქართველი მისულიყო და ჩვენც ვცდილობდით, ყველგან ვყოფილიყავით, სადაც დახმარება სჭირდებოდათ. ეს არ არის უბრალოდ მეხანძრე-მაშველობა, ეს არის ვაჟკაცობა, ეს არის ქართველობა! ვამაყობ თქვენით!" - წერს მეშველაშვილი.

საქართველოში დაბრუნებულ მაშველებს თბილისის საერთაშორისო აეროპორტში დახვდნენ შინაგან საქმეთა მინისტრის მოადგილე - იოსებ ჭელიძე, საგანგებო სიტუაციების მართვის სამსახურის უფროსი - თეიმურაზ მღებრიშვილი და თურქეთის საგანგებო და სრულუფლებიანი ელჩი საქართველოში - ალი ქაან ორბაი, რომლებმაც სამაშველო ჯგუფის წევრებს თურქეთში გამოჩენილი თავდადებისთვის მადლობა გადაუხადეს.

ქართველ მაშველთა ნაწილი, სამაშველო აღჭურვილობითა და ტექნიკით, სახმელეთო გზით დაბრუნდება სამშობლოში. საქართველოს პრემიერ-მინისტრის, ირაკლი ღარიბაშვილის გადაწყვეტილებით, შინაგან საქმეთა სამინისტროს საგანგებო სიტუაციების მართვის სამსახურის მაშველები თურქეთში, ქალაქ ადიამანში, სტიქიის პირველივე დღეს გაემგზავრნენ, როტაციის შემდეგ კი ჰათაის პროვინციის ქალაქ ანთაქიაში განაგრძეს სამაშველო ოპერაცია. საერთო ჯამში, მიწისძვრის შედეგების სალიკვიდაციო და სამაშველო ღონისძიებებში 200-მდე მაშველი მონაწილეობდა.

ნახეთ ასევე: