"დროშას ისე გაბედულად აფრიალებს, ისეთი ძლიერი და მამაცია. გაუფრთხილდით, ქართველო ძმებო" - რას წერენ მსოფლიოს სხვადასხვა ქვეყნებში აქციის სიმბოლოდ ქცეულ ქალზე
ე.წ. აგენტების კანონის მიღებას საქართველოს მოქალაქეების უდიდესი ნაწილი აპროტესტებს და ევროპულ მომავალს ირჩევს. საპროტესტო აქციის სიმბოლოდ კი იქცა ქალი, რომელიც ევროკავშირის დროშას სპეცრაზმისა და წყლის ჭავლის წინ აფრიალებდა. კადრები სოციალურ ქსელს ვირუსულად მოედო და ის მთელმა მსოფლიომ ნახა.
თბილისში განვითარებულ მოვლენებს აშუქებენ BBC-ი, "გარდიანი", "როიტერსი" და სხვა გამოცემები.
ევროპული მომავლისთვის უშიშრად მებრძოლი ქალის ვიდეო კი განსაკუთრებით პოპულარულია სოციალურ ქსელებში - "ტვიტერსა" და "ტიკტოკზე." კომენტარების ავტორები კი არამხოლოდ ქართველები, არამედ უცხოელები არიან, განსაკუთრებით კი უკრაინელები აქტიურობენ.
ეს ქალი დროშას ისე გაბედულად აფრიალებს, ისეთი ძლიერი და მამაცია. გაუფრთხილდით, ქართველო ძმებო
აი, რას ნიშნავს ერთიანობა. უკრაინა შენთანაა, საქართველო.
ქართველებო, საუკეთესოები ხართ! ლამაზი, მამაცი, გულწრფელი ხალხი. იყავით თავისუფლები, იბრძოლეთ, გადალახეთ. მთელი უკრაინა მხარს გიჭერთ - წერენ უკრაინელები "ტიკტოკზე" გამოქვეყნებული ვიდეოს კომენტარებში.
მხარდაჭერას გამოხატავან ლიეტუველები, პოლონელები:
"ლიეტუვა თქვენ გვერდითაა.
პატივისცემა ჩემს მამაც ქართველებს პოლონეთიდან. ერთად ეშმაკის წინააღმდეგ", - ვკითხულობთ კომენტარებში.
ვიდეოს "ტვიტერზე" აზიარებს პოლიტიკის საკითხების გერმანელი მკვლევარი და ანალიტიკოსი, ჯესიკა ბერლინი და ხაზს უსვამს ქართველების ერთიანობას და გამბედაობას:
"ათასობით ადამიანი თბილისში აქციაზე რუსეთისგან შთაგონებული "უცხოელი აგენტების" კანონის წინააღმდეგ. ერთიანობისა და გამბედაობის წარმოუდგენელი სურათი. უკრაინიდან საქართველომდე - ეს დროშა ნიშნავს იმას, რასაც კრემლი ვერასდროს გაიგებს და ვერასდროს გაანადგურებს", - წერს მკვლევარი.
<blockquote class="twitter-tweet"><p lang="en" dir="ltr">Amidst thousands rallying in <a href="https://twitter.com/hashtag/Tbilisi?src=hash&ref_src=twsrc%5Etfw">#Tbilisi</a> against the Russian-inspired “foreign agents” law tonight, an incredible image of unity & courage.<br>From <a href="https://twitter.com/hashtag/Ukraine?src=hash&ref_src=twsrc%5Etfw">#Ukraine</a> to <a href="https://twitter.com/hashtag/Georgia?src=hash&ref_src=twsrc%5Etfw">#Georgia</a>, this flag stands for something the Kremlin will never understand & can never break 🇬🇪🇪🇺🇺🇦<br> <a href="https://t.co/dP2U37iEYk">pic.twitter.com/dP2U37iEYk</a></p>— Jessica Berlin (@berlin_bridge) <a href="https://twitter.com/berlin_bridge/status/1633235583781707778?ref_src=twsrc%5Etfw">March 7, 2023</a></blockquote> <script async src="https://platform.twitter.com/widgets.js" charset="utf-8"></script>ცნობისთვის, 7 მარტს საკანონმდებლო ორგანოსთან მასშტაბური აქცია გაიმართა. საზოგადოება აპროტესტებდა "აგენტების კანონის" განხილვას.
მიუხედავად ამისა, პარლამენტმა კანონი პირველი მოსმენით მიიღო. ამის შემდეგ აქციაზე ვითარება დაიძაბა. ადგილზე მობილიზებულმა სპეცდანიშნულების რაზმმა დემონსტანტების დაშლა დაიწყო. მათ არაერთხელ გამოიყენეს ე.წ. წიწაკის სპრეი, წყლის ჭავლი, თუმცა, ადამიანები ადგილზე ბრუნდებოდნენ და პროტესტს განაგრძოდნენ.
აქცია დილამდე გაგრძელდა. შინაგან საქმეთა სამინისტროს ბოლო მონაცემებით, დაკავებულია 66 მოქალაქე.