ვალერი მელაძეს, რომელიც შვეიცარიაში ისვენებს, უკრაინელმა ჟურნალისტებმა მოსთხოვეს პასუხი კითხვაზე: გმობს თუ არა რუსულ ე.წ. "სპეციალურ ოპერაციას"?
მომღერალი ვალერი მელაძე კურშაველში (მსოფლიოში განთქმული ელიტარული სათხილამურო კურორტი შვეიცარიაში) მეუღლე ალბინა ჯანაბაევასთან, თავდაცვის მინისტრის მოადგილის ტიმურ ივანოვის ყოფილ მეუღლესთან, სვეტლანა ივანოვასთან და რუს ბიზნესმენებთან ერთად ისვენებს. სოციალურ ქსელში ვრცელდება ვიდეო, რომელშიც ჩანს, როგორ ეკითხებიან არტისტს უკრაინელი ჟურნალისტები პოლიტიკურ პოზიციაზე.
თავიდან რამდენიმე ადამიანი ვალერი მელაძეს უახლოვდება და სთხოვს, მათთან ფოტო გადაიღოს. შემდეგ კი უსამენს კითხვებს მის პოლიტიკურ პოზიციასთან დაკავშირებით. მამაკაცებმა თავი უკრაინელ ჟურნალისტებად წარადგინეს და მომღერალს სთხოვეს ეპასუხა, მხარს უჭერდა თუ არა ე.წ. სამხედრო სპეცოპერაციას.
"როგორ ისვენებთ კურშეველში, როცა რუსეთი უკრაინის ქალაქებს ბომბავს?“ - ჰკითხა მომღერალს გამომძიებელმა ჟურნალისტმა მიხაილ ტკაჩმა და გააგრძელა:
"გმობთ ე.წ. სპეციალურ ოპერაციას თუ არა?"
ვალერი მელაძემ უპასუხა, რომ მზად იყო დიალოგისთვის და სთხოვა, რომ კამერები გამოერთოთ, რაზეც ჟურნალისტებისგან უარი მიიღო.
ჟურნალისტმა კითხვები გაიმეორა. მელაძემ უარი თქვა პასუხის გაცემაზე და კიდევ ერთხელ სთხოვა "კამერების გამორთვა".
"მინდა ნორმალურად ვისაუბროთ", - თქვა მომღერალმა, რომელიც ადრე, დუბაიში საახალწლო კორპორატიულ წვეულებაზე სკანდალში გაეხვა ფრაზის გამო, "დიდება უკრაინას". შემდეგ მელაძემ "ტელეგრამში" არსებულ ვითარებაზე კომენტარი გააკეთა და აღნიშნა, რომ უკვე ათი თვეა "ისევე როგორც ბევრი სხვა ადამიანი, სიმძიმისა და მწუხარების გრძნობით ცხოვრობს“.
ვალერი მელაძის ძმა კონსტანტინე პირველ მეუღლესთან იანა სუმთან ერთად, დიდი ხნის განმავლობაში უკრაინაში ცხოვრობდა. ახლა უკრაინელ მომღერალ ვერა ბრეჟნევაზეა დაქორწინებული. სპეცოპერაციის დაწყების შემდეგ, ვერამ საჯაროდ დაგმო რუსეთის ხელისუფლების ქმედებები. წყვილი საცოვრებლად საზღვარგარეთ გადავიდა და გასაყიდად გამოიტანეს სასახლე მოსკოვის რეგიონში, რომლის ღირებულება თითქმის 300 მილიონი რუბლია. ვალერი მელაძე მიუხედავად იმისა, რომ მოსკოვში მისი კონცერტები აკრძალულია, ოჯახთან ერთად რუსეთში აგრძელებს ცხოვრებას.
იხილეთ ასევე:
- ვალერი მელაძის საქმეზე რუსეთში გამოძიება დასრულდა - რა ხდება მომღერლთან დაკავშირებით მას შემდეგ, რაც თქვა სიტყვები - "დიდება გმირებს"
- "მინდა, მომისმინოთ... ათი თვეა, სიმძიმისა და დარდის გრძნობით ვცხოვრობ" - რას წერს მელაძე დუბაის ინციდენტის შემდეგ, რის გამოც მისთვის რუსეთის მოქალაქეობის ჩამორთმევას ითხოვენ
- ვალერი მელაძეს კორპორატიულ კონცერტზე მიმართეს ფრაზით: "Слава Україні!“ - მომღერლის პასუხის გამო, მისთვის რუსეთის მოქალაქეობის ჩამორთმევას ითხოვენ