"მე ვფიქრობ, რომ უკვე გამარჯვებული ვარ, რადგან ის რაც გავაკეთე, არავის გაუკეთებია American idol-ის ისტორიაში. ასე რომ, გული არაფერზე დაგწყდეთ" - ნუცა ბუზალაძე
ამერიკული მეგაშოუს American idol-ის ქართველი კონკურსანტი, ნუცა ბუზალაძე ტოპ 10 კონკურსანტს შორის ვერ მოხვდა, რადგან ხმები არ ეყო. მიუხედავად იმისა, რომ მისი გამოსვლები შოუში ყოველ ჯერზე სულ უფრო შთამბეჭდავი და სანახაობრივი იყო, ნუცას კონკურსის დატოვება მაინც მოუწია.
მომღერლის თქმით, ის თავს ძალიან ბედნიერად გრძნობს, რადგან შეძლო მნიშვნელოვანი წარმატებისთვის მიეღწია. როგორც ნუცა ამბობს, მთავარი სურვილი, რაც ბავშვობიდან ჰქონდა, აისრულა.
"ახლა გავხსენი ტელეფონი და ძალიან ბევრი წერილი და ზარი მივიღე, ზუსტად ვიცი, როგორც განიცდით, როგორც მგულშემატკივრობდით. რადგან წინა ლაივში ჟიურიმ შემარჩია, იმიტომ შევარჩიე ეს სიმღერა Show must go on (შოუ უნდა გაგრძელდეს), მინდოდა ჩემი მესიჯი დამეტოვებინა. რომ ვიყავი ტოპ 12 კონკურსანტს შორის, ეს ჩვენი ძალიან დიდი გამარჯვებაა და სულ არ მაქვს ის განცდა, რომ თუ ტოპ 10 კონკურსანტში ვერ მოვხვდი, ამით დამთავრდა ყველაფერი - პირიქით დილიდან ძალიან ბედნიერი ვარ. მე ამას ვგრძნობდი, რომ ასე იქნებოდა. აქაურებისგან, ზოგისგან ძალიან დიდ სიყვარულს ვგრძნობდი, ზოგსაც ძალიან დიდი აგრესია ჰქონდა, რაც მესმის. ცხადია, რომ ჩამოდიხარ "ამერიკის ვარსკვლავში", არ არის მარტივი. უნდათ თავიანთი ჟანრი გაიყვანონ ფინალში, რასაც უსმენენ. ქანთრის 6 მომღერალია დარჩენილი შოუში.
- მე ვფიქრობ, რომ უკვე გამარჯვებული ვარ, რადგან ის რაც გავაკეთე, არავის გაუკეთებია American idol-ის ისტორიაში. ასე რომ, გული არაფერზე დაგწყდეთ, ვინც ასე მგულშემატკივრობდით გულანთებული.
მე ვიცი, რომ მთელი საქართველო მგულშემატკივრობდა, ყველა ქართველი ემიგრანტი. მინდა ძალიან დიდი მადლობა გადავუხადო თითოეულ ადამიანს, თქვენ კარგად იცით ჩემი ხასიათი. რადგან აქ ჩამოვედი, ე.ი მაქვს გეგმები და იმაზე არ ინერვიულოთ, თუ ბოღმიანი ხალხის კომენტარებს ნახავთ, ნუცა გავარდა, რა კარგია და ა.შ. ამით არაფერი დასრულებულა, ძალიან კარგად ვგრძნობ თავს, რა თქმა უნდა, გულისწყვეტა არის იმ მხრივ, რომ 5 თვე ამ ადამიანებთან ვცხოვრობდი და ალბათ, ეს მომენატრება. თუმცა როცა გადადიხარ ტოპ 12 -ში, გიწვევენ ფინალში და გამღერებენ ძალიან ცნობილ მომღერალთან. გულისწყვეტა მაქვს ერთადერთი იმაზე, თუმცა გულისწყვეტაც არ არის, უბრალოდ, გინდა, რომ მალე დაინახონ ის მომენტი, რომ ძალიან ცდებოდნენ, ვინც ცუდ კომენტარებს წერდა. რასაც მე არ ვკითხულობდი, თუმცა ვიცოდი," - ამბობს ნუცა ბუზალაძე.
ასევე იხილეთ:
- ნუცა ბუზალაძის მორიგი შთამბეჭდავი გამოსვლა American Idol-ში და დატყვევებული ჟიური: "არასოდეს შეიცვალო... შენ ხარ ვარსკვლავი!" (ვიდეო)
- ნუცა ბუზალაძე American idol-ის მომდევნო ტურში ვერ გადავიდა, თუმცა პროექტში მისი ძლიერი კვალი დატოვა: "მან შეცვალა უზარმაზარი ტელეშოუს 25 წლიანი ისტორია, რაზეც მანამდე ოცნებაც კი ფანტასტიკა იყო"