"შესაძლოა, ეს ყველაფერი ერთმანეთს დაემატა და ფრენისას ტრაგედია მოხდა... პიტერი დიანას თვალი იყო, მისი მხედველობა, გესმით?" - რას ამბობენ დიანა ღურწკაიას ქმრის გარდაცვალებაზე ცნობილი მეგობრები
რუსული შოუბიზნესი აქტიურად განიხილავს მომღერალ დიანა ღურწკაიას მეუღლის, პიოტრ კუჩერენკოს უეცარ გარდაცვალებას. კუჩერენკო გუშინ კუბიდან მომავალ თვითმფრინავში დაიღუპა. რუსმა შოუმენმა გოგენ სოლნცევმა, რომელიც ღურწკაიას ოჯახის დიდი ხნის მეგობარია, მედიასთან ტრაგედიის დეტალების საკუთარ ვერსიაზე ისაუბრა.
- ინტერვიუში მან აღნიშნა, რომ პიოტრს ცუდი წინათგრძნობა არ ჰქონია. მეტიც, ის სიკვდილზე საერთოდ არ ფიქრობდა და ამ თემაზე არც კი ხუმრობდა. გოგენის თქმით, ის სავსე იყო მომავლის გეგმებით და ოცნებობდა მეორე შვილზე და თავს ბედნიერ ადამიანად გრძნობდა.
სოლნცევის თქმით, სამედიცინო დახმარების გაწევა ფრენის პირობებში რთულია.
"ვფიქრობ, პიტერის შემთხვევაში კლიმატურმა მახასიათებლებმა საბედისწერო როლი ითამაშა. ეს შეიძლება იყოს წვრილმანებიც კი. მაგალითად, არ სვამდა საკმარის წყალს, არ იხურავდა ქუდს მცხუნვარე მზეზე... შესაძლოა, ეს ყველაფერი ერთმანეთს დაემატა და ფრენისას ასეთი ტრაგედია მოხდა“, - თუმცა აქვე დასძინა, რომ უმჯობესია ოფიციალურ ვერსიას დაელოდონ.
მომღერლის სამძიმარი ანდრეი მალახოვმაც გამოუცხადა.
"პეტრე! 46 წლის... მეცნიერების მინისტრის მოადგილე იყო მომღერალ დიანა გურწკაიას ქმარი. დიანა, მოითმინე, გთხოვ!“ - წერს ჟურნალისტი ტელეგრამის არხზე.
თანაგრძნობა სოციალურ ქსელში ღურწკაიას მომღერალმა ჟასმინმაც გამოუცხადა. მისი თქმით, კუჩერენკოს გარდაცვალება შეუცვლელი დანაკარგია ოჯახისთვის. "მთელი გულით და სულით, მე შენთან ვარ, ”- წერს ჟასმინი.
სტილისტ ჯორჯ როვალისი, რომელიც ამჟამად საქართველოში ცხოვრობს, რუსულ მედიასთან ინტერვიუში ამბობს, რომ დიანას გარემოცვიდან არავის არ ჰქონდა წარმოდგენა, რომ კუჩერენკოს ჯანმრთელობის პრობლემები ჰქონდა.
- "ჩვენ ყველანი შოკში ვართ: ვერავინ იფიქრებდა, რომ ეს მოხდებოდა. ისეთი მშვენიერი ოჯახი ჰქონდათ. პიტერი დიანას თვალი იყო, მისი მხედველობა, გესმით? საშინელი დარტყმაა!”
შეგახსენებთ, რომ პიოტრ კუჩერენკო მოულოდნელად გარდაიცვალა 20 მაისს. ჩინოვნიკი ავად გახდა კუბაში მივლინებიდან ფრენის დროს, რის შემდეგაც პილოტმა გადაწყვიტა ავარიული დაშვება Mineralnye Vody აეროპორტში.
სამწუხაროდ, სასწრაფო დახმარების ჯგუფმა მამაკაცის გარადჩენა ვერ შეძლო. წინასწარი ვერსიით, რუსეთის ფედერაციის მეცნიერებისა და უმაღლესი განათლების მინისტრის მოადგილე შესაძლოა, გულის შეტევით გარდაცვლილიყო. მომღერლის ძმამ განაცხადა, რომ დიანა ახლა შოკშია. ის და მისი ოჯახი დამატებით კომენტარს არ აკეთებენ.
წაიკითხეთ ასევე: