თათია შარანგიას გრანდიოზული ქორწილი მცხეთაში - ცნობილი სტუმრები და პატარძლის ულამაზესი კაბა: ფოტოები ცერემონიიდან
პიანისტი და ტელეწამყვანი თათია შარანგია ჯარჯი თორაძეზე ოფიციალურად დაქორწინდა. ქორწილის ცერემონია კი დღეს, 5 ივნისს, თავის დაბადების დღეზე გამართა.
შარანგიამ და თორაძემ გრანდიოზული ქორწილი მცხეთაში, "მარანი ჰოლში“ გადაიხადეს. ქორწილამდე რამდენიმე საათით ადრე, ჯარჯი თორაძემ სოციალურ ქსელში საყვარელ ქალს დაბადების დღე შემდეგი სიტყვებით მიულოცა:
- "დღეს ჩემთვის დაიბადა ადამიანი. მადლობა უფალს, რომ ყველა გზა გაგვატარა და ერმანეთს მერე შეგვახვედრა. გილოცავ თათი და ვულოცავ ჩემ თავს რომ მყავხარ და ჩემი ხარ და ჩემთვის ხარ. მიყვარხარ უკიდეგანოდ და უსასრულოდ“
წყვილმა ჯვარი დაიწერა და მოგვიანებით, სტუმრები რესტორანში მიიღო. შარანგია-თორაძის ქორწილს არაერთი ცნობილი ადამიანი დაესწრო.
მათ შორის, დიზაინერი ავთანდილ ცქვიტინიძე, საზოგადოებრივი კომუნიკაციების სპეციალისტი თეონა ბაღდავაძე, ცნობილი დერმატოლოგი, ქეთევან ხიშტოვანი, ექიმი სოფო ჯაფარიძე, ჟურნალისტი ვიკა ბუკია, პოლიტიკოს გიორგი ვაშაძის მეუღლე, ქეთი სიჭინავა.
შეგახსენებთ, რომ რამდენიმე თვის წინ ცნობილი გახდა, რომ ათწლიანი ქორწინების შემდეგ, თათია შარანგია მეუღლეს, სანდრო შელიას დაშორდა, რომელთანაც საერთო ვაჟი ჰყავს. მისი ახალი რჩეული ჯარჯი თორაძეა.
ეს თათიასთვის მესამე ქორწინებაა. პირველად ის ექსპრეზიდენტ ედუარდ შევარდნაძის შვილიშვილზე, ლაშა შევარდნაძეზე იყო დაქორწინებული, მათი ოჯახური თანაცხოვრება სამ წელიწადს გაგრძელდა. ამ ქორწინებიდან თათიას ჰყავს ორი შვილი, ედუარდი და ალექსანდრე შევარდნაძეები. რაც შეეხება ჯარჯი თორაძეს, მას პირველი ქორწინებიდან ორი შვილი ჰყავს.
- წაიკითხეთ ასევე:
- თათია შარანგია შეყვარებულია - ვინ არის ტელეწამყვანის რჩეული ბიზნესმენთან დაშორების შემდეგ? (ფოტოები)