"40-ზე მეტი ჭურვი სამრეწველო ზონაში მოხვდა, კიდევ 20 კი ქალაქის სხვადასხვა ნაწილებში" - ბელგოროდის გუბერნატორის ინფორმაციით, შებეკინოში ძლიერი ხანძარია

ბელგოროდის ოლქის ქალაქ შებეკინოში ძლიერი ხანძარია. ამის შესახებ ინფორმაციას ადგილობრივი “ტელეგრამ” არხები და ოლქის გუბერნატორი ვიაჩესლავ გლადკოვი ავრცელებენ.

ხანძარი ქალაქის სამრეწველო ზონაში გაჩნდა. გლადკოვის თქმით, შებეკინო “გრადის” ტიპის ზალპური ცეცხლის რეაქტიული სისტემებით დაბომბეს, რამაც გამოიწვია ხანძარი. მისი თქმით, 40-ზე მეტი ჭურვი სამრეწველო ზონის ტერიტორიაზე მოხვდა, კიდევ 20 კი ქალაქის სხვადასხვა ნაწილებში. ინციდენტის შედეგად არავინ დაშავებულა.

ცნობისთვის, ადგილობრივ “ტელეგრამ” არხებში დილიდან ვრცელდება ინფორმაცია დაბომბვის შესახებ, რის შედეგადაც მთელი ქალაქი კვალმში აღმოჩნდა.

ასევე იხილეთ:

• ხარკოვში ამიაკის მილსადენი ააფეთქეს, არის მსხვერპლი - რას აცხადებენ რუსეთსა და უკრაინაში მომხდარზე და საფრთხეებზე