"წარმოუდგენელი ამბავი ხდება ჩვენს თავს... სასტუმროში, სადაც ჩვენი ბანაკი მიმდინარეობს, 60-მდე ადამიანი მივარდა" - "გირჩი-მეტი თავისუფლება"
"გირჩი-მეტი თავისუფლების" ინფორმაციით, ბორჯომის სასტუმროში, სადაც პარტიის ტრენინგი უნდა ჩატარებულიყო, უცნობი პირები მივიდნენ. როგორც პარტიის პრესსამსახურის თანამშრომელი ანა ყრუაშვილი წერს, ისინი "გაურკვეველ რაღაცებს ჰყვიროდნენ".
"ხალხო, წარმოუდგენელი ამბავი ხდება ჩვენს თავს. დილიდან ბორჯომის სასტუმროში, სადაც ჩვენი ბანაკი მიმდინარეობს, 60-მდე ადამიანი მივარდა და გაურკვეველ რაღაცებს ჰყვირიან" - წერს ყრუაშვილი. ხოლო პარტიის "ფეისბუქის" გვერდზე ადგილზე გადაღებული კადრებიც ვრცელდება.
შეგახსეენბთ, დღეს დილით "გირჩი მეტი თავისუფლების“ ლიდერს, ზურაბ ჯაფარიძეს გორში თავს დაესხნენ. როგორც ცნობილი გახდა, ავტომანქანაში მყოფ ზურაბ ჯაფარიძეს ერთი პირი თავს დაესხა და თვალის არეში დაზიანება მიაყენა.
ჯაფარიძე პოლიციამ უკვე გამოკითხა.
წაიკითხეთ ასევე: