"გონიოში, შავი ზღვის მიერ გამორიყული მკვდარი ცხოველი, დელფინია" - რას ამბობენ გარემოს ეროვნულ სააგენტოში გავრცელებულ კადრებზე?

გარემოს ეროვნული სააგენტოს ინფორმაციით, გონიოში, შავი ზღვის მიერ გამორიყული მკვდარი ცხოველი, დელფინია.

როგორც "ინტერპრესნიუს" სააგენტოში განუცხადეს, მსგავსი ფაქტი ზაფხულის სეზონზე ყოველწლიურად ხდება და ახალი არ არის.

გარემოს ეროვნულ სააგენტოს ინფორმაციით, ყოველ წელს მსგავსი ფაქტების გამომწვევი მიზეზი სხვა და სხვაა, რის გამოც წელიწადში ათეულობით შემთხვევა ფიქსირდება, ძირითადად კი ზაფხულში.

მათივე ინფორმაციით, ადგილზე სპეციალური ჯგუფი იმყოფებოდა, რომელმაც შავი ზღვის მიერ გამორიყული 1 დელფინი აღმოაჩინა. ამ დროისთვის, გამორიყული დელფინის დათვალიერება და გამომწვევი მიზეზების დადგენა.

ცნობისთვის, სოციალურ ქსელში ვრცელდება კადრები, სადაც მოქალქის მიერ გადაღებულ ვიდეოში ჩანს, თუ როგორ გამორიყა შავმა ზღვამ მკვდარი ცხოველი.

წაიკითხეთ ასევე:

• "გამორიცხული არ არის, იმდენად დაბინძურდეს წყალი, შავი ზღვის სანაპიროები დაიკეტოს... თუმცა ეს ჯერ მხოლოდ ვარაუდია" - რას ამბობს სპეციალისტი შავ ზღვაში არსებულ ვითარებაზე?
• გარემოს ეროვნული სააგენტო საქართველოს შავი ზღვის აკვატორიაში მოსალოდნელ საფრთხეებთან დაკავშირებით განცხადებას ავრცელებს