"მე ვიცი ერთი რამ: ოთხნახევარი თვე გაწელეს ექიმებმა იმ იმედით, რომ მძიმე მეტალები ბოლოს და ბოლოს გამოსულიყო ორგანიზმიდან - აი, ეს იყო ერთადერთი მიზანი" - ალასანია პოლონელ ექიმზე
რა მნიშვნელობა აქვს რითი გამოჰქონდათ. ალბათ, ეს ნიმუშები ყველანაირად დაცული იყო - მე რაც ვნახე, ის ნიმუში კი არ იყო, თეთრი ქაღალდი იყო. საერთოდ არაფერი ჩანდა, - ამის შესახებ ყოფილი პრეზიდენტის დედამ, გიული ალასანიამ კლინიკა "ვივამედში“, შვილის მონახულების შემდეგ განაცხადა, რითაც პოლონელ ექიმთან დაკავშირებით მომხდარ ინციდენტს გამოეხმაურა.
მისივე თქმით, პოლონელი ექიმების ინციდენტის შესახებ მიხეილ სააკაშვილმა მხოლოდ ის იცოდა, რაც ტელევიზიით ნახა.
"[მიხეილ სააკაშვილმა] არაფერი იცოდა, მხოლოდ ის იცოდა, რაც ტელევიზიით ნახა. მისი პოზიცია არ ვიცი როგორია, რა თქმა უნდა, ამ ყველაფერს ეჭვით უყურებს. რაზე არის საუბარი, ვერც იმან გაიგო და ვერც მე გავიგე. მე ვიცი ერთი ამბავი, რომ ოთხნახევარი თვე ამ ექიმებმა წელეს და წელეს, ალბათ, იმ იმედით, რომ მძიმე მეტალები ბოლოს და ბოლოს ორგანიზმიდან გამოსულიყო. აი, ეს იყო ერთადერთი მიზანი.
რა გამოჰქონდათ იმ ექიმებს? - თუ ნიმუშები გამოჰქონდათ, როგორც ვისმენ, მაშინ რატომ არის ეს ეჭვქვეშ? ვერ გავიგე. რა მნიშვნელობა აქვს რითი გამოჰქონდათ. ალბათ, ყველანაირად ეს ნიმუშები დაცული იყო. ესე გავიგე პოლონეთში შინაგან საქმეთა სამინისტროს ექიმები არიან და ის ხალხი პროფესიონალები არიან, ისინი არ არიან ქუჩიდან მოსული ხალხი. მე მედიკოსები არ მინახავს და საერთოდ არ ვიცი, სინამდვილეში ეს რამდენად ასეა. მე რაც ვნახე, ის ნიმუში კი არ იყო, თეთრი ქაღალდი იყო, საერთოდ არაფერი ჩანდა“, - განაცხადა ალასანიამ.
შეგახსენებთ, სპეციალური პენიტენციური სამსახურის ცნობით, პოლონელი ექიმი საქართველოს მესამე პრეზიდენტ მიხეილ სააკაშვილისაგან აღებული ნიმუშების გატანას მალულად, ფეხსაცმლის საშუალებით ცდილობდა. უწყებამ შესაბამისი ვიდეოკადრებიც გაავრცელა.
ასევე იხილეთ: