დაიბადა დათი დავითაშვილი - ზურიკო დავითაშვილი მამა გახდა
ფრანგული "ბორდოსა" და საქართველოს ეროვნული საფეხბურთო ნაკრების შემტევი, ზურიკო დავითაშვილი მამა გახდა. ზურიკოსა და მის მეუღლეს, მია გზირიშვილს ვაჟი შეეძინათ, რომელსაც დათი დაარქვეს.
წყვილისთვის დათი პირველი შვილია.
"15.11.2023… დათი დავითაშვილი!" - წერს ზურიკო "ფეისბუქის" ოფიციალურ გვერდზე.
საზოგადოებისთვის რამდენიმე თვის წინ გახდა ცნობილი, რომ ზურიკო და მია დაქორწინდნენ. აი, რას ამბობდა ფეხბურთელის დედა, თამუნა წიწილაშვილი ჟურნალ "გზასთან" შვილისა და მისი მეუღლის შესახებ:
"მია არაჩვეულებრივი გოგოა. ხელი მოულოდნელად მოაწერეს. მია იმდენად საყვარელი გოგოა, ვეუბნები, - შენი სახით მეოთხე შვილი შევიძინე-მეთქი. გააზრებული აქვს, რამდენად რთულია ფეხბურთელის ცოლობა, მეც ეს გზა გამოვიარე და ვიცი. ის ამბობს, რომ მზად არის ამ სირთულისთვის. ზუკას ძალიან აფასებს, უყვარს, ბედნიერები არიან".