"ხატის ტაძარში დაბრძანება უნდა მეცნობებინა საპატრიარქოსთვის.. შენდობას ვითხოვ" - არქიმანდრიტი იოვანე მჭედლიშვილი წმინდა მატრონას ხატზე
არქიმანდრიტი იოვანე მჭედლიშვილი აცახადებს, რო თავის დროზე, მას საპატრიარქსთვის არ უცნობებია წმინდა მატრონას ხატის, რომელზეც სტალინიცაა გამოსახული, სამებაში დაბრძანების თაობაზე. სასულიერო პირი ამის გამო შენდობას ითხოვს.
"მე, როგორც სამების საკათედრო ტაძრის კეთილმოწესე, ჩემი პასუხისმგებლობიდან გამომდინარე, შექმნილი ვითარების გამო, შენდობას ვითხოვ დედა ეკლესიისა და მორწმუნე საზოგადოების წინაშე.
ხატის ტაძარში დაბრძანება უნდა მეცნობებინა საპატრიარქოსთან," - წერს "ფეისბუქში" არქიმანდრიტი.
შეგახსენებთ, რომ მატრონას ხატთან დაკავშირებული სკანდალური ბოლო კვირაა საქართველოში ერთ-ერთ ყველაზე აქტუალურ თემად რჩება. სამების ტაძარში დაბრძანებულ მატრონას ხატზე, რომელიც ტაძარს დავით თარხან მოურავმა შესწირა, აღმოჩნდა, რომ სტალინიც იყო გამოსახული, რასაც საზოგადოების მხრიდან პროტესტი მოჰყვა. საპატრიარქოს მიერ გავრცელებული განცხადებიდან ირკვევა, რომ ისინი მიმართავენ შემომწირველთ, თვითონ შეიტანონ სათანადო ცვლილებები ხატში, წინააღმდეგ შემთხვევაში კი ამას თავად გააკეთებენ.
წაიკითხეთ ასევე: