"სუპერ ბოულის" აღლუმზე მოკლული ქალის ოჯახს ტეილორ სვიფტმა 100 000 დოლარი გადასცა
ფიაშშ-ის მისურის შტატის კანზას-სიტიში, სუპერ ბოულში Kansas City Chiefs-ის გამარჯვების აღსანიშნავად გამართულ აღლუმზე მომხდარ სროლას 43 წლის ლიზა ლოპეს-გალვანი ემსხვერპლა. ამერიკელმა მომღერალმა ტეილორ სვიფტმა დაღუპულის ოჯახს 100 000 დოლარი გადასცა. როგორც ცნობილია, ქალს ორი შვილი ჰყავდა.
სვიფტმა თანხა GoFundMe - ს გადასცა - გვერდი, რომელიც ლოპეს-გალვანის ოჯახის დასახმარებლად შეიქმნა.
"ღრმა მწუხარებას გამოვთქვამ და თანაგრძნობას გიცხადებთ თქვენი დანაკარგის გამო" - დაწერა მომღერალმა ფონდის ოფიციალურ ვებგვერდზე.
CNN-ის ცნობით, ლოპეს-გალვანი აღლუმს ოჯახის წევრებთან, მეუღლესთან და შვილებთან ერთად ესწრებოდა. გამოცემის ცნობით, სროლის შედეგად დაშავდა ოჯახის კიდევ სამი წევრი, მათ შორის ლოპეს-გალვანის ვაჟი, მარკი.
- ხუთშაბათს გამართულ პრესკონფერენციაზე კანზას სითის პოლიციის უფროსმა სტეისი გრეივზმა თქვა, რომ სროლა არ იყო დაკავშირებული ტერორიზმთან და, სავარაუდოდ, კამათს მოჰყვა.
"არავითარი კავშირი არ არსებობდა ტერორიზმთან ან ძალადობრივ ექსტრემიზმთან. როგორც ჩანს, ეს იყო კამათი რამდენიმე ადამიანს შორის, რომელიც სროლით დასრულდა" - განაცხადა გრეივზმა და აღნიშნა, რომ დაშავებულთა ასაკი 8-დან 47 წლამდე მერყეობს.
ნახეთ ასევე: