სამხრეთ კორეამ ჩრდილოეთ კორეას მოლაპარაკებებზე უარი განუცხადა

სამხრეთ კორეის ხელისუფლებამ ჩრდილოეთ კორეასთან მოლაპარაკებების დაწყებაზე უარი ოფიციალურად განაცხადა. სეული მიიჩნევს, რომ მოლაპარაკებებთან დაკავშირებით ფხენიანის წინადადება ”გულწრფელი არ არის”.

სამხრეთ კორეის ხელისუფლება მხოლოდ იმ შემთხვევაში დათანხმდება მოლაპარაკებებს, თუ ჩრდილოეთ კორეა განიარაღებას დაიწყებს, იგულისხმევა ბირთვულ იარაღზე უარის თქმა.

ჩრდილოეთ კორეამ მოლაპარაკებათა დაწყება სეულს 8 იანვარს შესათავაზა. მაშინ ფხენიანს მოლაპარაკებების დაწყების პირობები არ დაუსახელებია.

ჩრდილოეთ და სამხრეთ კორეას შორის ურთიერთობა კუნძულ ენფხენდოსთან მომხდარი კონფლიქტის შემდეგ გამწვავდა. ორმხრივი საარტილერიო სროლის შედეგად, ოთხი ადამიანი დაიღუპა. მხარეებმა ერთმანეთი თავდასხმაში დაადანაშაულეს.

მომზადებულია afp.com-ის მიხედვით.