"ხშირად მინდა ჩამოსვლა, მომწონს აქ" - ცნობილ თურქ მსახიობს რუსულ სერიალებში მონაწილეობა სურს - ბურაკ ოზჩივიტს რუსეთის სიყვარულის გამო ფანები აკრიტიკებენ
თურქი მსახიობი ბურაკ ოზჩივიტი, რომელიც ცნობილი გახდა სერიალ "დიდებულ საუკუნეში" მალკოჩოღლუ ბალი ბეის როლით, უკრაინაში ომის დაწყების შემდეგ ხშირად სტუმრობს რუსეთს.
- აგრესორ ქვეყანაში ჩასულ მსახიობს ქალები განსაკუთრებული სიხარულით ხვდებიან. რამდენიმე თვის წინ ბურაკის სანახავად მისული ქალების ჯგუფში ჭყლეტა მოხდა და ორმა მათგანს ფიზიკური დაზიანებაც კი მიიღო.
ოზჩივიტი რამდენიმე დღის წინაც იმყოფებოდა გრძელვადიანი ვიზიტით რუსეთში, ქვეყნის დატოვების შემდეგ კი გაირკვა, რომ მსახიობი სოჭს ეწვია, სადაც თქვა, რომ მოსწონდა რუსების ენერგია. უფრო მეტიც, ის მზადაა რუსულ ფილმებში ითამაშოს.
"თურქეთში მსახიობები მზად არიან რუსულ სერიალებში ითამაშონ. თუ ერთობლივ პროექტს შევქმნით, დარწმუნებული ვარ, წარმატებულები ვიქნებით და მომავალში ბევრ ფილმს გადავიღებთ. უფრო ხშირად მინდა რუსეთში ჩამოსვლა, მომწონს აქ. რუსებს უყვართ ჩემი როლები, რომლებიც სერიალებში შევასრულე“, - განაცხადა ბურაკმა რუსულ მედიასთან ინტერვიუში.
მსახიობს ამის გამო არაერთი ადამიანი აკრიტიკებს და თვლიან, რომ საყვარელმა მსახიობმა იმედი გაუცრუათ, რადგან რუსეთის ქმედებების ფონზე, მისგან მსგავსი განცხადებები მიუღებელია.
- ბურაკ ოზჩივიტი 40 წლის მსახიობი და მოდელია, რომელიც თურქეთში დაიბადა. თამაშობდა ფილმებსა და სერიალებში. მათგან ყველაზე ცნობილია: "დიდებული საუკუნე", რომელიც საქართველოშიც განსაკუთრებული პოპულარობით სარგებლობს.
ოზჩივიტი დაქორწინებულია ცნობილ მსახიობ ფეჰრიე ევჯენზე, წყვილს ორი საერთო შვილი ჰყავს.