რუსულ ტელეგრამ არხებში ვრცელდება ინფორმაცია, რომ დააკავეს ორი პირი, რომლებიც შესაძლოა, დაკავშირებული იყვნენ "კროკუს სითი ჰოლზე" თავდასხმასთან
ბრაიანსკის რაიონში, სავარაუდოდ, მოსკოვის "კროკუს სითი ჰოლზე" თავდასხმაზე ეჭვმიტანილი ორი პირი დააკავეს. ინფორმაციას რუსული ტელეგრამ არხები ავრცელებენ.
"სავარაუდო დამნაშავეებთან ერთად მანქანა სოფელ ტეპლის მახლობლად გააჩერეს, ბელორუსისა და უკრაინის საზღვრიდან რამდენიმე კილომეტრში. წინასწარი მონაცემებით, მანქანაში ექვსი ადამიანი იმყოფებოდა: ორი დააკავეს, ოთხმა კი გაქცევა მოახერხა.
დაკავებულები ტაჯიკეთის მოქალაქეები იყვნენ. ახლა მათთან უშიშროების თანამშრომლები მუშაობენ - ტერაქტში მონაწილეობას ამოწმებენ. კიდევ ოთხს ამ დროისთვის ეძებენ" - ნათქვამია ინფორმაციაში, რომელსაც ტელეგრამ არხი BAZA ავრცელებს.
- საინფორმაციო სააგენტო "როიტერსი“ იუწყება, რომ მოსკოვის "კროკუს სითი ჰოლზე" თავდასხმაზე პასუხისმგებლობა "ისლამურმა სახელმწიფომ" აიღო. სააგენტო აღნიშნავს, რომ ინფორმაცია "ისლამურმა სახელმწიფომ“ საკუთარ "ტელეგრამის არხზე" გაავრცელა.
ამასთან, როგორც BBC- ი წერს, ინფორმაცია დამოუკიდებლად არ არის გადამოწმებული. BBC-ის კორესპონდენტი გორდონ კორერა აღნიშნავს, რომ ჯგუფმა წარსულში აიღო პასუხისმგებლობა ისეთ თავდასხმებზე, რომლებთანაც მას საერთო არაფერი ჰქონდა.
ცნობითვის, 7 მარტს რუსეთის უშიშროების ფედერალურმა სამსახურმა (FSB) განაცხადა, რომ აღკვეთა თავდასხმა მოსკოვში სინაგოგაზე, რომელსაც "ისლამური სახელმწიფოს" დანაყოფი გეგმავდა. რუსეთის "ეფესბე"-მ განაცხადა, რომ თავდამსხმელებმა გახსნეს ცეცხლი დაკავების მცდელობის დროს და ისინი "განეიტრალდნენ საპასუხო ცეცხლით".
წაიკითხეთ ასევე:
- "სავარაუდოდ, თეთრი Renault-ით გადაადგილდებოდნენ, რომელიც გადაღებეს" - რა დეტალები ხდება ცნობილი თავდამსხმელებზე: Crocus City Hall-ში მომხდარზე პასუხისმგებლობა ISIS-მ აიღო (ფოტოები)
- "ღმერთს მადლობა, სოფიკო არ დაშავებულა" - ვინ არის ქართველი გოგონა, რომელიც მოსკოვის Crocus City Hall-ში იმყოფებოდა: ფოტო, რომელიც თავდასხმამდე რამდენიმე წუთით ადრეა გადაღებული