მალავის ვიცე-პრეზიდენტი, 9 მგზავრთან ერთად, ავიაკატასტროფაში დაიღუპა - ადგილობრივი მედია ტრაგედიის ადგილზე გადაღებულ ფოტოებს ავრცელებს
მალავის ვიცე-პრეზიდენტი, 51 წლის საულოს ჩილიმა ავიაკატასტროფაში დაიღუპა. როგორც ცნობილი ხდება, მის გარდა, ბორტზე 9 მგზავრი იმყოფებოდა.
ქვეყნის პრეზიდენტის, ლაზარუს ჩაკვერას განცხადებით, თვითმფრინავი მზუზუს საერთაშორისო აეროპორტიდან დაახლოებით 380 კილომეტრში, დედაქალაქ ლილონგვეს ჩრდილოეთით, ჩიკანგავას ტყეში, “სრულიად განადგურებული" იპოვეს.
“თვითმფრინავის სამძებრო-სამაშველო ოპერაცია, რომელზეც ვიცე-პრეზიდენტი და ცხრა სხვა ადამიანი იმყოფებოდა, დასრულდა. ღრმა მწუხარებით გაცნობებთ, რომ დატრიალდა საშინელი ტრაგედია“, - განაცხადა ჩაკვერამ.
ადგილობრივი მედია ავიაკატასტროფის ადგილზე გადაღებულ ფოტოებს ავრცელებს:
გავრცელებული ინფორმაციით, სამაშველო ოპერაცია უამინდობის გამო, დროში გაიწელა. თვითმფრინავის პოვნა მას შემდეგ გახდა შესაძლებელი, რაც მალავის თავდაცვის ძალებმა გადაწყვიტა სამძებრო სამუშაოებში 200 ჯარისკაცი და დრონები ჩაერთო.
იხილეთ ასევე:
- 10 მსოფლიო ლიდერი, რომლებიც ავიაკატასტროფაში დაიღუპნენ
- ირანის პრეზიდენტის უკანასკნელი ფრენა: ოფიციალური ინფორმაციით, ავიაკატასტროფა უამინდობის გამო მოხდა - რა არის ამ დროისთვის ცნობილი?