"მზად ვარ, უკრაინის საკითხზე მოლაპარაკებების მაგიდას დავუბრუნდე... სიამოვნებით შევხვდები ტრამპს" - პუტინის განცხადებები არაბეთის მოლაპარაკებების შემდეგ

ვლადიმერ პუტინის თქმით, რუსეთი მზად არის უკრაინის საკითხზე მოლაპარაკებების მაგიდას დაუბრუნდეს, მაგრამ ტრამპთან უბრალოდ შეხვედრა საკმარისი არ არის და საჭიროა "ყველაზე მნიშვნელოვანი საკითხების დამუშავების მიღწევა".

• მისი თქმით, რუსეთს არასდროს არ უთქვამს უარი ევროპასთან ან უკრაინასთან დიალოგზე, მათ თავად "შეწყვიტეს მოსკოვთან კონტაქტები". პუტინმა ისიც აღნიშნა, რომ "სიამოვნებით შეხვდება ტრამპს".

პუტინის თქმით, "რუსეთსა და აშშ-ს შორის დიალოგისთვის შუამავლები საჭირო არ არიან“.

• მან განაცხადა, რომ "ძალიან აფასებს" საუდის არაბეთში ჩატარებული მოლაპარაკებების შედეგს და აღნიშნა, რომ აშშ-ის მხრიდან მოლაპარაკებებზე "სრულიად სხვა ხალხი" იყო - მიკერძოებისა და დაგმობის გარეშე.

პუტინის განცხადებით, საუდის არაბეთში აშშ-რუსეთის მოლაპარაკებების მიზანი იყო ორმხრივი ურთიერთობების "აღდგენა".კრემლის ლიდერის თქმით, მოსკოვს "არასოდეს უთქვამს უარი ევროპელებთან კონტაქტსა და უკრაინასთან მოლაპარაკების პროცესზე“.

ასევე, პუტინმა მედიას განუცხადა, რომ „რუსეთსა და აშშ-ს შორის დიალოგისთვის შუამავლები საჭირო არ არიან“.

წაიკითხეთ ასევე:

• რუსულ-ამერიკული მოლაპარაკებების პირველი რაუნდის შედეგები და სამეტაპიანი სამშვიდობო გეგმა - რა ხდებოდა დახურულ კარს მიღმა: მედია კულუარულ დეტალებზე წერს