"ხვალიდან თოვა შეწყდება, მაგრამ რიგ რეგიონებში შესაძლოა ტემპერატურა -11 გრადუსამდეც დაეცეს" - როგორი ამინდი გველის უახლოეს დღეებში?
საქართველოში უამინდობა უახლოეს დღეებშიც გაგრძელდება.
"ნალექი, უმეტესად თოვლის სახით იქნება, ზოგან ძლიერი, ნისლი, ქარბუქი, გზებზე ლიპყინული, ელექტროგადამცემ ხაზებზე მოყინულობა, გორაკ-ბორცვიან ზონებში შესაძლებელია მეწყრული პროცესების განვითარება. ქვეყნის მაღალმთიან რაიონებში ნარჩუნდება ზვავსაშიშროება", - ვკითხულობთ გარემოს ეროვნული სააგენტოს განცხადებაში.
გარემოს ეროვნული სააგენტოს ჰიდრომეტეოროლოგიური პროგნოზების სამმართველოს უფროსი სვეტლანა ნიორაძე ambebi.ge-სთან საუბარში ამბობს, რომ თბილისში მარტის დასაწყისში შესაძლოა დედაქალაქში ტემპერატურა -11 გრადუსამდეც დაეცეს
- ხვალ, 27 თებერვლის ღამეს, ნალექი ყველგან შეწყდება, ღამის საათებში ცა მოიწმინდება. თუმცა ველოდებით მინიმალური ტემპერატურის დაცემას, როგორც დასავლეთში, ასევე აღმოსავლეთში. თბილისში ტემპერატურა დაეცემა -7 -5 გრადუსამდე.
- თბილისში თუ გაგრძელდება თოვა?
- დღეს შეიძლება დროდადრო ისევ ითოვოს, ასევე ღამით, მაგრამ ხვალიდან ნალექი მორჩება.
- რაც შეეხება სხვა რეგიონებს?
- დასავლეთშიც დილიდან და დღის მეორე ნახევრიდან ან დილიდან ისევ იქნება თოვა.
- მართალია, რომ მარტში გაგრძელდება ისევ ყინვები?
- დიახ, მინუს ათამდე ან მინუს თერთმეტამდე შესაძლებელია ღამით შიდა ქართლში და კახეთშიც დაეცეს ტემპერატურა, 28 თებერვალს, პირველ მარტს, ამ რიცხვებში ველოდებით.
იხილეთ ასევე:
- ინტენსიური თოვის, ლიპყინულის, ზვავსაშიშროებისა და რთული მეტეოროლოგიური პირობების გათვალისწინებით, რა ხდება ქვეყნის საავტომობილო გზებზე?
- ზვავი რიკოთზე, დაზიანებული ავტომობილები და განახლებული ინფორმაცია - რა მდგომარეობაა ამ დროისთვის მონაკვეთზე
- "მაღალმთიან სოფლებთან კონტაქტი გაწყდა... ლანჩხუთში, ჩემს ბინაში საჭმელს ვამზადებთ და გასაჭირში მყოფ ადამიანებთან ვაგზავნით" - რას ჰყვება ლადო აფხაზავა