მორიგი გაცვლა - "ჰამასმა" ისრაელს ოთხი მძევლის ცხედარი გადასცა, რამდენიმე ათეული პალესტინელი პატიმარი კი ღაზაში უვნებლად დაბრუნდნენ (ფოტო)

ჰამასმა” ისრაელს ოთხი მძევლის ცხედარი გადასცა, ამჟამად დნმ ტესტირებით, მათი მათი იდენტიფიცირება მიმდინარეობს.

“ოთხი ცხედარი ცოტა ხნის წინ გადავეცით და ველოდებით პალესტინელი პატიმრების გათავისუფლებას“, - ავრცელებს BBC-ი “ჰამასის“ ოფიციალური პირის ციტატას.

• ცხედრების გადაცემის ფაქტი ისრაელის პრემიერ-მინისტრის, ბენიამინ ნეთანიაჰუს ოფისმაც დაადასტურა.

• ამასთან ცნობილი ხდება, რომ სანაცვლოდ, ისრაელმა პალესტინელი პატიმრების გათავისუფლების პროცესი დაიწყო. ისრაელი, სავარაუდოდ, 625 პატიმარს და დაკავებულს გაათავისუფლებს.

ათობით გათავისუფლებული პალესტინელი პატიმარი ღაზაში უკვე დაბრუნდა. მედია ავრცელებს ფოტოებს, სადაც ჩანს, რომ ისინი ღაზაში ავტობუსებით დაბრუნდნენ. პატიმრები პირდაპირ ხან-იუნისის საავადმყოფოში მიიყვანეს, სადაც მათ სამედიცინო პერსონალი მომზადებული ელოდებოდა.

ნაწილს დაშავებული იყო და ხელჯოხით გადაადგილდებოდა. ზოგიერთი ავტობუსიდან გამოსვლისას მიწაზე დაეცა და მას კოცნიდა.

გათავისუფლებულ პატიმრებს დასავლეთ სანაპიროზე ათასობით პალესტინელი დახვდა და მათ შეძახილებით ამხნევებდნენ. ხმამაღლა ულოცავდნენ ღაზაში დაბრუნებას.

ჯერჯერობით უცნობია, შეთანხმებული 600-ზე მეტი პატიმრისგან, რამდენი დაბრუნდა სამშობლოში.

ცნობისთვის, ცეცხლის შეწყვეტის შეთანხმების პირველი ეტაპის ფარგლებში, რომელიც 1-ელ მარტს სრულდება, “ჰამასმა“ ისრაელს 25 ცოცხალი მძევალი და რვა მძევლის ცხედარი გადასცა. სანაცვლოდ, "ჰამასმა", საერთო ჯამში, 1 900-მდე პალესტინელი პატიმარი უნდა გაათავისუფლოს.

• რამდენი მძევალი გაათავისუფლეს ღაზადან?

ცეცხლის შეწყვეტის პირველი ეტაპი, რომელსაც ვადა შაბათს ეწურება, გულისხმობს 33 ისრაელელი მძევლის გაცვლას დაახლოებით 1900 პალესტინელ პატიმარზე.

ამ დროისთვის გათავისუფლებულია 25 ისრაელელი ცოცხალი მძევალი და რვა გარდაცვლილი - სულ 33 ადამიანი.

ოთხი დაღუპული მძევალი, რომელიც დღეს ღამით გაათავისუფლეს, ბოლოა, ვინც შეთანხმების ფარგლებში “ჰამასმა“ ისრაელს გადასცა.

შეთანხმების გარდა, გათავისუფლებულია კიდევ ხუთი ტაილანდელი მძევალი.

• რა მოხდება შემდეგ ცეცხლის შეწყვეტის შეთანხმების პირველი ეტაპის დასრულების შემდეგ?

აღსანიშნავია, რომ მოვლენები, რომელიც სტატიაშია მოთხრობილი, აღნიშნავს ცეცხლის შეწყვეტის პირველი ფაზის დასასრულს. ის შაბათს იწურება.

ექვსკვირიანი ცეცხლის შეწყვეტის პირობების თანახმად, ისრაელს დაახლოებით 1900 პალესტინელი პატიმარი უნდა გაეთავისუფლებინა. თუმცა, ჯერ კიდევ გასარკვევია, შეთანხმდებიან თუ არა მხარეები მეორე ფაზაზე გადასვლაზე.

თუ ორივე მხარე თანახმა იქნება, მეორე ფაზა მოიცავს მოლაპარაკებებს მუდმივი ცეცხლის შეწყვეტისთვის.

ღაზაში დარჩენილი ცოცხალი მძევლები გაიცვლებიან პალესტინელ ტყვეებში და ისრაელის ჯარები მთლიანად დატოვებენ ტერიტორიას.

წყარო

იხილეთ ასევე:

• "ეს ენით აღუწერელია ცინიზმია" - "ჰამასმა" ისრაელელი მძევლის ცხედრის ნაცვლად, ისრაელს პალესტინელი ქალის ცხედარი გადასცა: რას ამბობს ნეთანიაჰუ?
• პალესტინელ ბავშვებს აყურებინებენ მოკლული მძევლების, მათ შორის 2 მცირეწლოვნის ცხედრის გადაცემას (ფოტოები)