მასკის Starlink-ი, ჯავშანტექნიკა და... - რას კარგავს უკრაინა აშშ-ის მხრიდან სამხედრო დახმარების შეჩერებით
დონალდ ტრამპის გადაწყვეტილება, შეაჩეროს აშშ-ის დახმარება უკრაინაში, მძიმე დარტყმაა - არა მხოლოდ კიევისთვის, არამედ ევროპელი მოკავშირეებისთვისაც. ევროპულმა ქვეყნებმა ნელ-ნელა გააძლიერეს საარტილერიო ჭურვების წარმოება. მთლიანობაში ევროპა ახლა უკრაინას თავისი დახმარების 60 პროცენტს აწვდის - უფრო მეტს, ვიდრე აშშ.
- თუმცა, აშშ-ს სამხედრო მხარდაჭერა უკრაინისთვის ჯერ კიდევ სასიცოცხლოდ მნიშვნელოვანია. უკრაინის უნარი, დაიცვას თავისი ხალხი და ქალაქები, დიდწილად ეყრდნობოდა აშშ-ს საჰაერო თავდაცვის სისტემებს. როგორც მსოფლიოში ყველაზე ძლევამოსილმა არმიამ, აშშ-მ შეძლო ასობით ჯავშანტექნიკის გაგზავნა.
მაგალითად ავიღოთ ილონ მასკის Starlink სატელიტური საკომუნიკაციო ქსელი - ისინი გამოიყენება ბრძოლის ველზე უახლესი ინფორმაციის გადასაცემად. აუცილებელია საარტილერიო და უპილოტო დარტყმების კოორდინაციისთვის.
წარსულში, პენტაგონმა აღიარა, რომ ამ სამაშველო ხაზს აფინანსებდა. იმის გათვალისწინებით, რომ ელონ მასკი არის მთავარი ფიგურა აშშ-ს ადმინისტრაციაში, ნაკლებად სავარაუდოა, რომ დახმარების გაგრძელება მოინდომოს. გარდა ამისა, მასკი უკრაინის პრეზიდენტის, ვოლოდიმირ ზელენსკის მკაცრი კრიტიკოსია.
- დაუშლის თუ არა აშშ ევროპულ ქვეყნებს უკრაინაში ამერიკული წარმოების აღჭურვილობის გაგზავნას, უცნობია. უკრაინისთვის აშშ-ის წარმოების F-16 თვითმფრინავების მისაწოდებლად, ევროპას ჯერ ვაშინგტონის თანხმობა უნდა მიეღო. აშშ ასევე ამზადებდა უკრაინულ ძალებს და ეხმარებოდა მათ შეერთებული შტატების მიერ მიწოდებული აღჭურვილობის შენარჩუნებაში.
ბაიდენმა გააუქმა შეზღუდვები უკრაინაში მომუშავე ამერიკელ კონტრაქტორებზე. მუშაობის გასაგრძელებლად F-16 თვითმფრინავებს განსაკუთრებით სჭირდებათ ინჟინრები და სათადარიგო ნაწილები.
ევროპელი მოკავშირეები იმედოვნებენ, რომ ტრამპის გადაწყვეტილება დროებითია. წინააღმდეგ შემთხვევაში, აშშ-ს მხარდაჭერის გარეშე უკრაინას გადარჩენისთვის კიდევ უფრო მკაცრი ბრძოლა ელოდება წინ.
წაიკითხეთ ასევე: