"ახლა დავასრულე ძალიან კარგი საუბარი ზელენსკისთან... კარგ კურსზე ვართ" - რას ამბობს ტრამპი უკრაინის პრეზიდენტთან კომუნიკაციის შემდეგ

აშშ-ის პრეზიდენტი, დონალდ ტრამპი უკრაინის პრეზიდენტ ვოლოდიმირ ზელენსკის ტელეფონით ესაუბრა.

• ტრამპის თქმით, მას ზელენსკისთან „კარგი საუბარი“ ჰქონდა, რომლის დიდი ნაწილი ემყარებოდა პრეზიდენტ პუტინთან გუშინ განხორციელებულ ზარს, რათა „თანხვედრაში მოვაქციოთ რუსეთიც და უკრაინაც მათი მოთხოვნებისა და საჭიროებების მხრივ“.

ტრამპის შეფასებით, "კარგ კურსზე ვართ".

"ახლა დავასრულე ძალიან კარგი სატელეფონო საუბარი უკრაინის პრეზიდენტ ზელენსკისთან. ის დაახლოებით ერთ საათს გრძელდებოდა. საუბრის დიდი ნაწილი ემყარებოდა პრეზიდენტ პუტინთან გუშინ განხორციელებულ ზარს, რათა თანხვედრაში მოვაქციოთ რუსეთიც და უკრაინაც მათი მოთხოვნებისა და საჭიროებების მხრივ.

კარგ კურსზე ვართ, და სახელმწიფო მდივან მარკო რუბიოს და ეროვნული უსაფრთხოების საკითხებში მრჩეველს მაიკლ უოლცს ვთხოვ, რომ განხილული თემების ზუსტი აღწერა წარადგინონ. ეს განცხადება მალე გამოქვეყნდება,” - წერს ტრამპი.

წაიკითხეთ ასევე:

• "კონფლიქტის მოგვარების საკვანძო პირობა დასახელდა" - ცნობილია ტრამპისა და პუტინის სატელეფონო საუბრის შინაარსი: რას ითხოვს რუსეთი უკრაინისგან