"ქოჩორასა" და მიქაუტაძის გოლები და ქართველების უპირატესობა - ჩვენმა გუნდმა სომხეთის ნაკრები პირველ ტაიმში ორბურთიანი უპირატესობით დაამარცხა (ვიდეო)
საქართველოს ეროვნული საფეხბურთო ნაკრები ერევანში სომხეთის ნაკრებს სოლიდური უპირატესობით ამარცხებს.
მატჩის პირველი ტაიმი საქართველოს ნაკრების გამარჯვებით, ანგარიშით 0-2 დასრულდა. გოლები ქოჩორაშვილისა და მიქაუტაძის ანგარიშზეა.
- 33-ე წუთზე გიორგი ქოჩორაშვილმა ოთარ კიტეიშვილის გადაცემით ისარგებლა და ანგარიში გახსნა, ხოლო მატჩის 37-ე წუთზე მამარდაშვილის პასით გიორგი მიქაუტაძემ ანგარიში გაზარდა.
აღსანიშნავია, რომ საქართველოს ნაკრების მეკარისთვის ეს არის კარიერაში პირველი საგოლე გადაცემა.
ცნობისთვის, ჩვენი გუნდის ძირითადი შემადგენლობა ასეთია: მამარდაშვილი, კაკაბაძე, გოგლიჩიძე, ლოჩოშვილი, აზაროვი, კვეკვესკირი, კიტეიშვილი, ქოჩორაშვილი, ჩაკვეტაძე, დავითაშვილი, მიქაუტაძე.
"ერთა ლიგის" B დივიზიონის მომავალი მონაწილე საქართველოსა და სომხეთის ნაკრებების ორრაუნდიან დაპირისპირებაში გაირკვევა. მეორე შეხვედრა საქართველო-სომხეთის ნაკრებებს შორის თბილისში, 23 მარტს გაიმართება.
- ნახეთ ასევე:
- "საერთოდ არ მაინტერესებს ცალკეული ფეხბურთელის პოლიტიკური განცხადება" - რას წერს ნიკა გვარამია
- "დაე, ნაკრების გამარჯვებამ გაახაროს ჩემი შვილი და მისი მეგობრები! მე კი, მატჩის დროს რუსთაველზე ვიდგები, მათი მომავლის დასაცავად" - რას წერს კახა კინწურაშვილი