"წარმოუდგენელია, გამარჯვების დღე აღნიშნო მათთან ერთად, ვინც კლავს ბავშვებს, მშვიდობიან მოსახლეობას" - დონალდ ტუსკი რობერტ ფიცოზე

პოლონეთის პრემიერ-მინისტრი, დონალდ ტუსკი რობერტ ფიცოს აკრიტიკებს, რომელიც მოსკოვში ჩავიდა და მეორე მსოფლიო ომში გამარჯვების დღისადმი მიძღვნილ სამხედრო აღლუმს დაესწრო, - ინფორმაციას The Guardian-ი ავრცელებს.

• „ჩემთვის წარმოუდგენელია, რომ ადამიანი შეიძლება იყოს მსოფლიოს ამ ნაწილიდან და უკრაინის წინააღმდეგ რუსეთის აგრესიის დროს იყოს წითელ მოედანზე და აღნიშნოს გამარჯვების დღე მათთან ერთად, ვინც კლავს ბავშვებს, მშვიდობიან მოსახლეობას და ესხმის თავს სხვა ქვეყნებს“, - აღნიშნა ტუსკმა.

ცნობისთვის, გამარჯვების 80 წლისთავისადმი მიძღვნილ სამხედრო აღლუმს რუსეთის პრეზიდენტ ვლადიმერ პუტინთან ერთად მსოფლიოს რამდენიმე ლიდერი ესწრება, მათ შორის ჩინეთის პრეზიდენტი, სი ძინპინი ბრაზილიის პრეზიდენტი, ლუის ინასიუ ლულა და სილვა, სერბეთის პრეზიდენტი ალექსანდრ ვუჩიჩი და სლოვაკეთის პრემიერ-მინისტრი რობერტ ფიცო - ერთადერთი ლიდერი ევროკავშირის ქვეყნებიდან, რომელიც რუსეთში ჩავიდა.

წაიკითხეთ ასევე:

• "მე პრეზიდენტ პუტინს მივეცი სიტყვა, რომ დღეს აქ ვიქნებოდი და სიტყვა შევასრულე" - ალექსანდრ ვუჩიჩი და რობერტ ფიცო კრემლის ფონზე პოზირებენ (ფოტოები)