პაკისტანი ინდოეთის წინააღმდეგ ფართომასშტაბიან სამხედრო ოპერაციას იწყებს - ბოლო ცნობები კიდევ ერთი ცხელი წერტილიდან

პაკისტანმა ინდოეთის წინააღმდეგ ფართომასშტაბიანი სამხედრო ოპერაციის დაწყების შესახებ გამოაცხადა, - ამის შესახებ ინფორმაციას CNN-ი პაკისტანის მთავრობაზე დაყრდნობით ავრცელებს.

• "ოპერაცია Bunyanun Marsoos-ი („გაუვალი კედელი“) დაიწყო“, - დაწერა პაკისტანის მთავრობამ X-ზე.

პაკისტანის შეიარაღებული ძალების ცნობით, არმიამ „ინდოეთის ბოლოდროინდელ აგრესიას“ უპასუხა.

სამხედრო ოპერაციის დაწყებამდე პაკისტანმა განაცხადა, რომ ინდოეთმა ქვეყნის სამხედრო საჰაერო ბაზებს დაარტყა.

პაკისტანის არმიის განცხადებით, ოპერაცია „გაუვალი კედელის“ ფარგლებში, დარტყმები ინდოეთის პათანკოტის აეროდრომსა და უდამპურის საჰაერო ბაზაზე განახორციელა.

ასევე, პაკისტანის არმიაში აღნიშნეს, რომ ინდოეთის საჰაერო ძალების ბაზები დაბომბეს, საიდანაც, სავარაუდოდ, ინდოეთმა პაკისტანის ტერიტორიაზე სარაკეტო იერიშები მიიტანა.

• აშშ-ის სახელმწიფო დეპარტამენტის ცნობით, სახელმწიფო მდივანმა მარკო რუბიომ პაკისტანის არმიის მეთაურს ასიმ ბუნირსა და ინდოეთის საგარეო საქმეთა მინისტრს სუბრაჰმანიამ ჯაიშანკარს სიტუაციის დეესკალაციის მიზნით შესაბამისი გზების მოძებნისკენ მოუწოდა.

სახელმწიფო დეპარტამენტის განცხადებით, მარკო რუბიომ მხარეებს „კონსტრუქციული მოლაპარაკებების დასაწყებად აშშ-ს დახმარება შესთავაზა“.

იხილეთ ასევე:

• ბირთვული საფრთხის ახალი კერა - ინდოეთ-პაკისტანის დაპირისპირება უკიდურესად მძაფრდება: კონფლიქტის მიზეზები, ისტორია, ქვეყნების სამხედრო და ატომური პოტენციალი