ფრედი მერკურს საიდუმლო ქალიშვილი ჰყავდა, რომელიც ახლო მეგობრის ცოლმა გაუჩინა - მომღერლის ცხოვრების რა სკანდალური დეტალებზე წერს მედია

Queen-ის სოლისტის, ფრედი მერკურის საიდუმლო შვილის ვინაობა ცოტა ხნის წინ გახდა ცნობილი. მომღერლის ბიოგრაფიულმა წიგნმა შოუბიზნესის სამყაროში აჟიოტაჟი გამოიწვია.

• როგორც ირკვევა, მერკურის ქალიშვილი ჰყავდა, რომლის შესახებ მხოლოდ უახლოესმა წრემ იცოდა, მათ შორის მშობლებმა, დამ და ბენდის წევრებმა.

• წიგნიდან „სიყვარული, ფრედი“ ირკვევა, რომ მომღერალს 1976 წელს ახლო მეგობრის ცოლთან რომანტიკული ურთიერთობა ჰქონდა. სწორედ მასთან ურთიერთობისას დაიბადა მისი ქალიშვილი, რომელიც ამჟამად 48 წლისაა, ევროპაში ცხოვრობს, სადაც სამედიცინო პროფესიონალად მუშაობს.

ქალმა თავისი შთამბეჭდავი ისტორია ბიოგრაფ ლესლი-ენ ჯონსს მოუყვა. მისი თქმით, მოსიყვარულე ოჯახში გაიზარდა, თუმცა ყოველთვის იცოდა, რომ ბიოლოგიური მამა ფრედი მერკური იყო. 1991 წელს, გარდაცვალებამდე ცოტა ხნით ადრე, ფრედიმ ქალიშვილს პირადი დღიურების 17 ტომი აჩუქა.

"ფრედი მერკური ჩემი მამა იყო. ჩვენ ძალიან ახლო და მოსიყვარულე ურთიერთობა გვქონდა. ჩემი დაბადების გარემოებები, ადამიანების უმეტესობისთვის, შეიძლება უჩვეულო და აღმაშფოთებელიც კი ჩანდეს. ის ისე მეპყრობოდა, როგორც რაღაც ძალიან ძვირფასს.

ვინც ჩემი არსებობის შესახებ იცოდა, ფრედისადმი ერთგულებისა და სიყვარულის გამო, ეს საიდუმლო შეინახეს. ის, რომ ახლა ჩემი ისტორიის გაზიარება გადავწყვიტე, ჩემი და მხოლოდ ჩემი გადაწყვეტილებაა.“

წყარო

ნახეთ ასევე:

• როგორ აიღო ფრედი მერკურის "განდეგილმა" ცოლმა კონტროლი მის მილიონებზე - "ლეგენდის და საგანძურის დაბრუნებას ინკოგნიტოდ ცდილობს"