რუსეთმა უკრაინის რამდენიმე რეგიონს შეუტია - არიან გარდაცვლილები და დაშავებულები, დაიწვა საცხოვრებელი სახლები (ფოტო)
ღამის განმავლობაში რუსეთმა უკრაინის რამდენიმე რეგიონს შეუტია.
-
საგანგებო სიტუაციების სახელმწიფო სამსახურის ინფორმაციით, დაზარალდა ოდესას, ხარკოვის, ჩერნიგოვი, სუმი და პოლტავას ოლქი.
აფეთქებები ისმოდა ოკუპირებულ ხერსონსა და ზაპოროჟიეში. როგორც ხერსონის ოლქის ე.წ. „გუბერნატორმა“ ვოლოდიმირ სალდომ განაცხადა, 150 დასახლებაში 100 ათასზე მეტი ადამიანი ელექტროენერგიის გარეშე დარჩა.
საოკუპაციო ხელისუფლება ამის მიზეზად უკრაინის არმიის დარტყმებს ასახელებს.
-
ჩერნიგოვში განხორციელებული თავდასხმის შედეგად მძიმედ დაშავდა 4 ადამიანი: ორი ქალი და ორი მამაკაცი.
დაიწვა კერძო სახლები, დაზიანდა მრავალსართულიანი შენობები, საგანმანათლებლო დაწესებულება და სამრეწველო საწარმო;
ბალაკლიაში „შაჰიდის“ დრონის აფეთქების შედეგად ერთი ადამიანი დაიღუპა. ამის შესახებ ქალაქის ადმინისტრაციის ხელმძღვანელმა, ვიტალი კარაბანოვმა განაცხადა. არიან დაშავებულებიც.
-
ოდესაში თავდასხმის შედეგად დაშავდა 5 ადამიანი.
ხანძარი გაუჩნდა საწყობებსა და მანქანებს, დაზიანდა ავტოფარეხები და სახლები.
ხარკოვის რეგიონში სროლის შედეგად 3 ადამიანი დაიღუპა, დაშავდა 6.
რუსეთმა დაარტყა სუმსაც. ადგილობრივი არხები წერენ ერთი გარდაცვლილისა და სამი დაშავებულის შესახებ.
ქალაქის ცენტრში დაიწვა მანქანები. დაუდასტურებელი ინფორმაციით, მასში მგზავრებიც იმყოფებოდნენ.
- უკრაინული მედიის ინფორმაციით, ჯამში რუსებმა უკრაინას 112 დრონით შეუტიეს.
უკრაინის საჰაერო ძალების ცნობით, ქვეყნის აღმოსავლეთ, სამხრეთ და ჩრდილოეთ ნაწილებში რუსების მიერ გაშვებული 75 დრონი გაანეიტრალეს.
უკრაინის საჰაერო თავდაცვის დანაყოფებმა 60 რუსული დრონი ჩამოაგდეს, ხოლო 15 დრონი ლოკაციურად დაიკარგა.
უკრაინის საჰაერო ძალების განცხადებით, რუსების საჰაერო დარტყმები 11 ლოკაციაზე დაფიქსირდა.
იხილეთ ასევე: