"ამდენი წლის შემდეგ ეს თემა ვის გაახსენდა? მალე გავიგებთ ვინ “აკაჩავა” კოტე" - რას წერს ნანუკა ჟორჟოლიანი?
თინა ბოკუჩავას მეუღლემ კოტე იოსელიანმა სოციალურ ქსელში ვიდეო გამოაქვეყნა, სადაც "ქართული ოცნების” დამფუძნებლის, ბიძინა ივანიშვილის შვილს, უტა ივანიშვილს ბოდიში მოუხადა, საქმე ეხება წლების წინ ტელეკომპანია "იბერიის“ ეთერში იოსელიანის მხრიდან უტას მიმართ გაკეთებულ განცხადებას.
- თემას ტელეწამყვანი ნანუკა ჟორჟოლიანი ეხმიანება და წერს:
"ვინც ამბავი არ იცით.დაახლოებით 8 წლის წინ, ჯერ კიდევ იბერია რომ არსებობდა, კოტე იოსელიანმა, მაშინ ნაციონალური მოძრაობის წევრმა, უტა ივანიშვილის პირადზე იჭორავა პირდაპირ ეთერში.
ის განცხადება ჩემთვის მაშინაც და ახლაც მიუღებელია, ბევრისთვის აღმოჩნდა მიუღებელი, სხვათა შორის.
უტა კი არა, ნებისმიერი ადამიანის პირადზე განცხადებები არის ქოცობა ჩემთვის. თან ჭორების დონეზე.
მალევე კოტემ მოიხადა ბოდიში და წავიდა პოლიტიკიდან. ამდენი წლის შემდეგ ეს თემა ვის გაახსენდა?
შემთხვევით რომელიმე ქუჩის ბიჭს ქულების დაწერა ხომ არ მოუნდა მეფის კარზე? და ამ კითხვებს მე ტყუილად არ ვსვამ. იმედია, ძალიან მალე გავიგებთ ვინ “აკაჩავა” კოტე რომ მეორედ და ამდენი ხნის შემდეგ ჩაეწერა ვიდეო", - წერს ნანუკა ჟორჟოლიანი.