მეცნიერების მტკიცებით, მწერები ქრებიან - რას ასახელებენ მიზეზად და არის თუ არა ეს ეკოლოგიური კოლაფსის "ახალი ერა"
ენტომოლოგების თქმით, ისტორიაში ახალი ფაზა დაიწყო: კლიმატურ ცვლილებებს მწერების სახეობების შემცირება მოსდევს და უფრო მეტის, ეს ტენდენცია იმ ტერიტორიებზეც კი შეინიშნება, სადაც ადამიანს ხელი არ მიუწვდება.
მწერებზე დაკვირვება დანიელ იანსენმა მას შემდეგ დაიწყო, რაც თითქმის ნახევარი საუკუნის წინ, ახალგაზრდა ეკოლოგი კოსტა-რიკის ტყეში მუშაობისას ხევში ჩავარდა და ზურგი დაიზიანა.
მის დასახმარებლად არავინ გამოჩნდა, დანიელი ძლივს მივიდა კვლევით ცენტრამდე, ვერანდის სკამზე ჩამოჯდა და თითქმის ერთი თვის განმავლობაში ასე გაატარა დრო. სწორედ მაშინ აღმოაჩინა მწერების სიცოცხლით სავსე სამყარო.
ყველა ხის ყოველი ტოტი თითქოს მათი მეტროპოლია იყო, სადაც არსებები ნადირობდნენ, დაფრინავდნენ, დაცოცავდნენ და იკვებებოდნენ.
დანიელმა მფრინავი მწერების სიცოცხლის დოკუმენტირება დაიწყო.
მან 3000 სახეობის იდენტიფიცირება შეძლო და ტყის მუხლუხოებისა და ჩრჩილების პოპულაციები შეისწავლა.
- ამჟამად 86 წლის მეცნიერი კვლავ მუშაობს გუანაკასტეს ნაკრძალის ტერიტორიაზე თუმცა, ამბობს, რომ მათ გარშემო არსებულ ტყეში რაღაც შეიცვალა. ხეები, რომლებიც ოდესღაც მწერებით იყო სავსე, დაცარიელდნენ.
ველური ფუტკრების ზუზუნი შეწყდა და ფოთლები, რომლითაც მწერები იკვებებოდნენ, დაუღრღნელი ჰკიდია.
ზოგიერთი ეკოლოგი ამ პროცესს ეკოლოგიური კოლაფსის „ახალ ერას“ უწოდებს. აღსანიშნავია, რომ სახეობების სწრაფი გადაშენება ხდება იმ რეგიონებში, სადაც ადამიანის კვალი თითქმის არ არის.
მსოფლიოში მწერების რაოდენობის შემცირების შესახებ ცნობები სიახლეს არ წარმოადგენს. საერთაშორისო კვლევების თანახმად, მსოფლიოში ყოველწლიურად მთლიანი ბიომასის 1%-დან 2.5%-მდე ქრება.
როგორც მკვლევარები ამბობენ, ეს პესტიციდებისა და სასუქების ფართოდ გავრცელებამ, ქიმიურმა დაბინძურებამ გამოიწვია. მწერები მგრძნობიარე არსებები არიან და დაბინძურების ნებისმიერ ახლომდებარე წყაროს შეუძლია მათი პოპულაციების შემცირება გამოიწვიოს.
-
მწერების პოპულაციების კატასტროფული კლება დაცული ტყის ტერიტორიებზე შეიმჩნევა.
მეცნიერები, იანზენი და ჰალვაქსი შეუერთდნენ მკვლევართა მზარდ რაოდენობას, რომლებმაც მსოფლიოს ნაკრძალებში მწერების მასობრივი გადაშენება დააფიქსირეს.
- მაგალითად, გერმანიის 63 ნაკრძალში მფრინავი მწერების რაოდენობა 30 წელზე ნაკლებ დროში 75%-ით შემცირდა;
- შეერთებული შტატები ხოჭოების რაოდენობა 45 წელიწადში 83%-ით შემცირდა;
- ხოლო პუერტო რიკოში მწერების ბიომასა 1970-იანი წლებიდან მოყოლებული 60-ჯერ შემცირდა.
2019 წელს მკვლევარებმა აღმოაჩინეს, რომ აშშ-ში ფრინველთა თითქმის მესამედი - დაახლოებით 3 მილიარდი გაქრა. კერძოდ, იმ ფრინველთა რიცხვი, რომლებიც მწერებზე ნადირობდნენ, 2.9 მილიარდით შემცირდა. ხოლო იმ ფრინველთა რიცხვი, რომლებიც მწერებზე არ იყვნენ დამოკიდებული, 26 მილიონით გაიზარდა.
იხილეთ ასევე:
- პინგვინებს შეუძლიათ პლანეტა გლობალური დათბობისგან გადაარჩინონ? - რა აღმოაჩინეს მეცნიერებმა
- ანტარქტიდისა და გრენლანდიის ყინულის დნობა მსოფლიოს ზღვის დონის აწევით და და მრავალი დასახლებული პუნქტის წყლის ქვეშ მოქცევით ემუქრება - რას აჩვენებს ახალი კვლევა?