“ირანმა ისრაელის მიმართულებით, საერთო ჯამში, 400-ზე მეტი რაკეტა გაუშვა და ასობით დრონი გაუშვა“ - ბენიამინ ნეთანიაჰუს ადმინისტრაცია

ირანმა, პარასკევის შემდეგ, ისრაელის მიმართულებით 400-ზე მეტი რაკეტა და ასობით დრონი გაუშვა, - ამის შესახებ ისრაელის პრემიერ-მინისტრ ბენიამინ ნეთანიაჰუს ოფისის განცხადებაშია აღნიშნული.

ნეთანიაჰუს ოფისის ცნობით, დარტყმები ისრაელის მასშტაბით 40 ობიექტზე განხორციელდა, რის შედეგადაც საგადასახადო ორგანოში ზარალის ანაზღაურების 19 000-მდე მოთხოვნაა წარდგენილი.

ამ დროისთვის არსებული მონაცემებით, ირანის თავდასხმების შედეგად ისრაელში 24 ადამიანი დაიღუპა, 800-ზე მეტი დაიჭრა და 3 800-ზე მეტი საკუთარი სახლებიდანაა ევაკუირებული.

იხილეთ ასევე:

• ტრამპი ირანისგან უპირობო დანებებას ითხოვს, ათოლა ალი ხამენეის განცხადებით კი, "ბრძოლა იწყება" - კიდევ ერთი მძიმე ღამე: ისრაელ-ირანის დაპირისპირების წუხანდელი ქრონიკა