ბუბა ჭოღოშვილი და თინათინ წულაძე ერთად არიან - ახალი ვარსკვლავური წყვილის "ლავსთორი" და წარსული ურთიერთობები

ქართულ შოუბიზნესში ახალი, გამორჩეული წყვილი გამოჩნდა. პოპულარული სერიალის, „ჩემი ცოლის დაქალების“ ერთ-ერთი მთავარი გმირი, მსახიობი ბუბა ჭოღოშვილი და ცნობილი რეჟისორის, ლევან წულაძის ქალიშვილი, მოცეკვავე თინათინ წულაძე ერთად არიან.

ინფორმაცია ამის შესახებ სოციალური ქსელიდან გახდა ცნობილი, მას შემდეგ, რაც თინამ ბუბასთან ერთად გადაღებული თბილი ფოტოები გამოაქვეყნა. გამომწერები წყვილს კომპლიმენტებით ამკობენ: „ვერ ვხვდები ამ წყვილში გოგო ჯობია თუ ბიჭი“, „რა საყვარლები ხართ“, „ბუბაბუები“ „თქვენთვის მემეტება ეს ბიჭი და პირიქით“ – წერენ კომენტარებში.

აღსანიშნავია, რომ ამ დიდ სიყვარულამდე ორივეს საკმაოდ საინტერესო და მნიშვნელოვანი პირადი ცხოვრება ჰქონდა.

• ბუბა ჭოღოშვილის ცხოვრება სოფელში და 8 ძაღლი

ჯერ კიდევ 2023 წელს, ბუბა ჭოღოშვილი მომღერალ ნანკა გვარიშვილთან ერთად ცხოვრობდა. წყვილმა ერთმანეთი თეატრში გაიცნო და მათ საერთო ოცნება – ქალაქგარეთ ცხოვრება – სოფელ დიდგორში აიხდინეს. ისინი ნანკას დიდი ბაბუის ნასახლარზე დასახლდნენ, რომელიც საკუთარი ხელით გააცოცხლეს.

ბუბა და ნანკა 8 ძაღლთან და 2 კატასთან ერთად ნამდვილ იდილიაში ცხოვრობდნენ. „ჩვენი ბუდე მოვიწყეთ... სიყვარულმა ყველაფერი შეგვაძლებინა“, - ამბობდა მაშინ ბუბა. თუმცა, როგორც ჩანს, მათი გზები მოგვიანებით გაიყო.

• თინათინ წულაძის დედობა და ოჯახური იდილია

რაც შეეხება თინათინ წულაძეს, ის რამდენიმე წლის წინ დაოჯახებული იყო გიორგი კოტეტიშვილზე. 2021 წელს წყვილს ვაჟი, ანდრო შეეძინა. თინათინი ინტერვიუებში სიხარულით ჰყვებოდა, როგორ ზრუნავდნენ მასზე მეუღლე და მშობლები – მანანა კოზაკოვა და ლევან წულაძე.

თინა იხსენებდა, რომ მეუღლე მშობიარობასაც დაესწრო და ეს მათთვის უმნიშვნელოვანესი მომენტი იყო. „ყველა კაცმა უნდა ნახოს და შეიგრძნოს, როგორი ბრძოლაა სიცოცხლისთვის“, - აღნიშნავდა მოცეკვავე. მიუხედავად იმისა, რომ თინას და გიორგის მყარი ოჯახი ჰქონდათ, მათი ურთიერთობაც დასრულდა.

• ახალი დასაწყისი

დღეს ბუბა და თინა უკვე აღარ მალავენ თავიანთ გრძნობებს. ორივე მათგანს ზურგს დიდი გამოცდილება და საინტერესო წარსული უმაგრებს. საერთო ფოტოებიდან ჩანს, რომ წყვილი თავს ძალიან ბედნიერად გრძნობს.

როგორ განვითარდება ახალი ვარსკვლავური წყვილის ურთიერთობა, ამას დრო აჩვენებს, მანამდე კი გულშემატკივრები მათ ბედნიერებას უსურვებენ.

წაიკითხეთ ასევე:

• მსახიობი ბუბა ჭოღოშვილი, საყვარელ გოგონასთან ერთად, სოფლად გადასახლდა - "რვა ძაღლი გვყავს და ორი კატა... თავდაპირველად სახლში რომ შემოვედით, თავზე გვენგრეოდა ყველაფერი"