ერაყში, პროირანული დაჯგუფების მიერ გატაცებული ამერიკელი ჟურნალისტი გათავისუფლებულია

აშშ-ის სახელმწიფო მდივანმა მარკო რუბიომ დაადასტურა ინფორმაცია იმის შესახებ, რომ ერაყში მოქმედმა პროირანულმა, გასამხედროებულმა დაჯგუფება “კატაიბ ჰეზბოლამ" გაათავისუფლა ერაყში გატაცებული ამერიკელი ჟურნალისტი შელი კიტლსონი.

შელი 31 მარტს, ბაღდადში გაიტაცეს. “კატაიბ ჰეზბოლას" განცხადებით, ამერიკელი ჟურნალისტი გათავისუფლებულია იმ პირობით, რომ დაუყოვნებლივ დატოვებს ერაყის ტერიტორიას.

• რუბიოს განცხადებით, კიტლსონის გათავისუფლების შესახებ მოლაპარაკებებში მონაწილეობდნენ პენტაგონი, FBI და ერაყის უმაღლესი სასამართლო საბჭო.

ხოლო დაჯგუფების წარმომადგენლის, აბუ მუჯაჰიდ ალ-ასაფის თქმით, ჟურნალისტი “ერაყის მიმავალი პრემიერ-მინისტრის ეროვნული პოლიტიკის აღიარების ნიშნად“ გათავისუფლდა.

49 წლის ჟურნალისტი ავღანეთში, ერაყსა და სირიაში მიმდინარე კონფლიქტებს აშუქებდა.

წყარო

იხილეთ ასევე:

• ბაღდადში ამერიკელი ჟურნალისტი შელი კიტლსონი გაიტაცეს - არსებული ინფორმაციით, გამტაცებლები "ჰეზბოლასთან" დაკავშირებული პირები არიან