დაძაბული ბრძოლა და დამატებით დროში მოპოვებული გამარჯვება - კარიერაში მეორედ, ლაშა შავდათუაშვილი ევროპის ჩემპიონია (ვიდეო)

ლაშა შავდათუაშვილი (73 კგ) ევროპის ჩემპიონატის გამარჯვებულია. თბილისში მიმდინარე ევროპის ჩემპიონატის მეორე საშეჯიბრო დღეს ქართველმა ძიუდოისტმა ფინალში ოლიმპიური ჩემპიონი, აზერბაიჯანელი ძიუდოისტი ჰიდაიათ ჰეიდაროვი დამატებით დროში შიდოებით დაამარცხა.

• ლაშას კარიერაში ეს უკვე მეორედ მოგებული ევროპის ჩემპიონატია. პირველი ოქრო 2013 წელს ბუდაპეშტში გამართულ ჩემპიონატზე -66 წონით კატეგორიაში მოიგო.

რამდენიმე წუთის წინ ასევე ოქროს მედალი მოუტანა ქვეყანას ეთერ ლიპარტელიანმა. ქართველი ძიუდოისტი ფინალში ისრაელის წარმომადგენელ ტინმნა ნელსონ ლევის შეხვდა და ბოლო 20 წამში ბრძოლა ულამაზესი იპონით მოიგო.

ცნობისთვის, ძიუდოში ევროპის ჩემპიონატს ჩვენი ქვეყნის დედაქალაქი - თბილისის ოლიმპიური სასახლე მასპინძლობს. საქართველოს ნაკრების ანგარიშზე სამი მედალია, ორი ოქრო და ერთი ვერცხლი, რომელიც გუშინ გიორგი სარდალაშვილმა მოიპოვა.

წაიკითხეთ ასევე:

• ბოლო 20 წამში მოგებული ბრძოლა - ულამაზესი იპონი და პირველი ქართველი ქალი, რომელიც ძიუდოში ევროპის ჩემპიონი გახდა: ეთერ ლიპარტელიანის ტრიუმფი (ვიდეო)