სროლა ვახშამზე, რომელსაც დონალდ და მელანია ტრამპები ესწრებოდნენ - ვინ არის თავდამსხმელი და რა არის ცნობილი ამ დროისთვის მომხდარის შესახებ?
25 აპრილს, აშშ-ის დროით დაახლოებით საღამოს 8:40 წუთზე, ვაშინგტონში, სასტუმრო Washington Hilton-ში სროლის ხმა გაისმა. სასტუმროში თეთრი სახლის კორესპონდენტთა ყოველწლიური ვახშამი მიმდინარეობდა, რომელსაც აშშ-ის პრეზიდენტი და პირველი ლედი, დონალდ და მელანია ტრამპები ესწრებოდნენ.
- შენობიდან მათი ევაკუაცია მყისიერად განხორციელდა. ასევე გაიყვანეს ვიცე-პრეზიდენტი ჯეი დი ვენსი და ტრამპის ადმინისტრაციის სხვა წევრები, რომლებიც ვახშამზე იმყოფებოდნენ.
როგორც გავრცელებულ კადრებში ჩანს, დარბაზში მყოფი სტუმრები სროლის ხმის გაგონებისას ცდილობენ მაგიდის ქვეშ დაემალონ პოტენციურ საფრთხეს.
როგორც ცნობილია, ერთ-ერთმა პირმა უსაფრთხოების შემოწმების მთავარ ზონასთან გაისროლა
სამართალდამცავებმა დააკავეს კალიფორნიელი, 31 წლის კოულ ტომას ალენი. ის შეიარაღებული იყო რამდენიმე ცეცხლსასროლი იარაღით, ასევე რამდენიმე დანით.
დაჭრილია საიდუმლო სამსახურის ერთი ოფიცერი და ის კლინიკაშია გადაყვანილი - მდგომარეობა სტაბილურია. სხვა დაშავებულების შესახებ ინფორმაცია არ ვრცელდება.
თავდამსხმელს ბრალი წაუყენეს ცეცხლსასროლი იარაღის გამოყენებასა და ფედერალურ ოფიცერზე თავდასხმაში.
მოგვიანებით დონალდ ტრამპმა თეთრ სახლში პრესკონფერენცია გამართა. მან სამართალდამცველები შეაქო "ფანტასტიკური" და სწრაფი მუშაობისთვის. თქვა, რომ ეს იყო :მკვლელობის მცდელობა, ხოლო თავდამსხმელს "ძალიან ავადმყოფი ადამიანი" უწოდა.
ინფორმაცია განახლდება
- ნახეთ ასევე:
- როგორ გაიყვანეს დარბაზიდან ტრამპი და ჯეი დი ვენსი თავდასხმისას - მედიაში ვიდეო კადრები ვრცელდება
- დონალდ ტრამპი თავდამსხმელის ფოტოებს აქვეყნებს - "ის ძალიან შეშლილი ადამიანია": რა არის ცნობილი თავდასხმის მოტივზე
- როგორ შეიჭრა თავდამსხმელი სასტუმრო "ჰილტონში", სადაც ტრამპი იმყოფებოდა - "მან ექვსჯერ გაისროლა": სათვალთვალო კამერის ჩანაწერი