დონალდ ტრამპი თავდამსხმელის ფოტოებს აქვეყნებს - "ის ძალიან შეშლილი ადამიანია": რა არის ცნობილი თავდასხმის მოტივზე

ვაშინგტონში, სასტუმრო "ჰილტონში" ვახშმის დროს განხორციელებული თავდასხმისას დაკავებული პირის შესახებ დამატებით დეტალები ხდება ცნობილი. მედიის ინფორმაციით, დაკავებულია 31 წლის კალიფორნიელი მამაკაცი, კოულ ტომას ალენი. ცნობისთვის ამ ვახშამს აშშ-ის პრეზიდენტი და პირველი ლედი - დონალდ და მელანია ტრამპები, ასევე აშშ-ის პრეზიდენტის ადმინისტრაციის მაღალი რანგის პირები ესწრებოდნენ.

• ცნობილია, რომ თავდამსხმელი არის კალიფორნიის ქალაქ ტორანსიდან. წარსულში მუშაობდა რეპეტიტორად, თუმცა კონკრეტულად რის რეპეტიტორად - ამ დროისთვის უცნობია. ის საკმაოდ მძიმედ იყო შეიარაღებული - ჰქონდა ორი ცეცხლსასრლი იარაღი და ასევე რამდენიმე დანა. არსებული ინფორმაციით, მან ექვსჯერ გაისროლა.

აშშ-ის პრეზიდენტმა დონალდ ტრამპმა მას უწოდა "ძალიან შეშლილი ადამიანი“ და "გიჟი“. დაკავების შემდეგ ალენი გადაიყვანეს ადგილობრივ საავადმყოფოში მისი ჯანმრთელობის მდგომარეობის შესაფასებლად. დაკავებისას ის არ დაშავებულა.

რაც შეეხება მოტივს, ოფიციალურად მოტივი ამ ეტაპზე დაზუსტებული არ არის. ტრამპმა მომხდარი შეაფასა როგორც "მისი მკვლელობის მორიგი მცდელობა". თუმცა სამართალდამცველები ხაზგასმით მიუთითებენ, რომ თავდასხმის კონკრეტული სამიზნე ჯერჯერობით ცნობილი არ არის.

თავდამსხმელის დაკავების კადრები სოციალურ ქსელში დონალდ ტრამპმა გამოაქვეყნა.

• ნახეთ ასევე:
• სროლა ვახშამზე, რომელსაც დონალდ და მელანია ტრამპები ესწრებოდნენ - ვინ არის თავდამსხმელი და რა არის ცნობილი ამ დროისთვის მომხდარის შესახებ?
• როგორ გაიყვანეს დარბაზიდან ტრამპი და ჯეი დი ვენსი თავდასხმისას - მედიაში ვიდეო კადრები ვრცელდება
• როგორ შეიჭრა თავდამსხმელი სასტუმრო "ჰილტონში", სადაც ტრამპი იმყოფებოდა - "მან ექვსჯერ გაისროლა": სათვალთვალო კამერის ჩანაწერი