წმინდა სინოდის სხდომა დაიწყო - ფოტოები ისტორიული კრებიდან, სადაც მღვდელმთავრები დღეს 3 საპატრიარქო კანდიდატს გამოარჩევენ

წმინდა სინოდის სხდომა დაიწყო. საქართველოს მართლმადიდებელი ეკლესიის წმინდა სინოდი დღეს სამ საპატრიარქო კანდიდატს გამოარჩევს. ასევე, დაასახელებს გაფართოებული კრების თარიღს.

• კრების ამსახველ ფოტოებს საპატრიარქოს საზოგადოებასთან ურთიერთობის სამსახურის უფროსი დეკანოზი ანდრია ჯაღმაიძე ავრცელებს.

“სინოდის წევრებმა სრულიად საქართველოს კათოლიკოს-პატრიარქ ილია II - ის პანაშვიდი იმსახურეს და სხდომა დაიწყო,“ - წერს ანდრია ჯაღმაიძე.

“კანდიდატი უნდა იყოს არაუმეტეს 70 წლისა. რაც შეეხება განათლებას, როცა ადამიანს სამსახურში შეაქვს განცხადება, იტყვის, დიპლომი არ მაქვს, მაგრამ განათლებული ვარო?! - სინოდმა უნდა იხელმძღვანელოს მკაცრად, მართვა-გამგეობის დებულებით“, - განაცხადა სხდომის დაწყებამდე ანდრია ჯაღმაიძემ.

პატრიარქის არჩევის საკითხი მას შემდეგ დადგა დღის წესრიგში, რაც 17 მარტს სრულიად საქართველოს კათოლიკოს-პატრიარქი, უწმინდესი და უნეტარესი ილია მეორე გარდაიცვალა. ილია მეორე 22 მარტს, სიონის საპატრიარქო ტაძარში დაკრძალეს.

იხილეთ ასევე:

• საპატრიარქოში მღვდელმთავრები იკრიბებიან: რა განაცხადა მეუფე საბამ სინოდის ისტორიულ სხდომამდე?