ოლივია უაილდის შეცვლილი გარეგნობა - რა დაემართა მსახიობს?: "გახდომის ელექსირის", ოზემპიკის მორიგი "მსხვერპლი"?
ჰოლივუდის ვარსკვლავი, მსახიობი და რეჟისორი, ოლივია უაილდი, ყოველთვის გამოირჩეოდა თავისი დახვეწილი ფიგურითა და სილამაზით, თუმცა მისმა ბოლო გამოჩენამ წითელ ხალიჩაზე თაყვანისმცემლები და სამედიცინო სფეროს წარმომადგენლები ააღელვა.
- ახალი ფილმის, The Invite-ის პრემიერაზე, სადაც ოლივია ისეთი ვარსკვლავების გვერდით გამოჩნდა, როგორებიც არიან პენელოპა კრუსი და ედვარდ ნორტონი, მთავარი განხილვის თემა არა მისი შემოქმედებითი წარმატება, არამედ რადიკალურად შეცვლილი გარეგნობა გახდა.
შოკისმომგვრელი კადრები და ეჭვი "ოზემპიკზე“
ფოტო და ვიდეო კადრები, რომლებიც სოციალურ ქსელებში ელვისებურად გავრცელდა, 42 წლის მსახიობი ძალიან გამხდარი ჩანს. ინტერნეტმომხმარებლები და ექსპერტები ვარაუდობენ, რომ ოლივია კიდევ ერთი მსხვერპლია იმ საშიში ტრენდისა, რასაც "გახდომის ელექსირს“ – ოზემპიკს უწოდებენ.
"მისი სახე თითქმის გამოფიტულია. ეს აღარ არის უბრალოდ სიგამხდრე, ეს განგაშის საფუძველია“, – წერენ სოციალურ ქსელებში.
რას ამბობენ ექიმები – რა არის "ოზემპიკის სახე“?
საკითხს გამოეხმაურა ცნობილი ამერიკელი ექიმი ჯესი მორსიც. მისი თქმით, ოლივიას სახეზე აშკარად იკვეთება ფენომენი, რომელსაც მედიცინაში უკვე "ოზემპიკის სახეს“ (Ozempic face) უწოდებენ. ეს არის სახის კანქვეშა ცხიმის სწრაფი დაკარგვა, რაც კანს ელასტიურობას ართმევს და ადამიანს ნაადრევად აბერებს.
ექიმი მორსი აფრთხილებს საზოგადოებას, რომ ამ პროცესის შეჩერება ან უკან დაბრუნება თითქმის შეუძლებელია. სპეციალისტების მთავარი რეკომენდაციაა, რომ მსგავსი პრეპარატების მიღებისას (თუ ეს აუცილებელია) ადამიანებმა მკაცრად აკონტროლონ ცილების რაოდენობა და უნდა დაკავდნენ ძალისმიერი ვარჯიშებით, რათა კუნთოვანი მასა და კანის სტრუქტურა შეინარჩუნონ.
წარმატება კარიერაში, კრიზისი პირად ცხოვრებაში?
საინტერესოა, რომ ვიზუალური ცვლილებების ფონზე, ოლივია უაილდის კარიერა ახალ სიმაღლეებს აღწევს. მისი ახალი რეჟისორული ნამუშევარი The Invite, რომელიც 26 ივნისიდან გამოვა ეკრანებზე, კრიტიკოსებმა უკვე დადებითად შეაფასეს – Rotten Tomatoes-ზე ფილმს ამ დროისთვის 91%-იანი რეიტინგი აქვს.
თუმცა, რის ფასად უჯდება ვარსკვლავს ეს წარმატება? არის თუ არა მისი "გამომშრალი“ ვიზუალი გადატვირთული გრაფიკის ბრალი, თუ ჰოლივუდში გაბატონებულმა წონის დაკლების მავნე მანიამ მასაც ავნო – ეს კითხვა ჯერჯერობით პასუხგაუცემელია.
წაიკითხეთ ასევე:
- "დავიკელი 21 კილო "ოზემპიკით" და აღმოვჩნდი საოპერაციო მაგიდაზე... მახსოვს დიდი წინააღმდეგობა ლაშა უჩავას მხრიდან" - სოფო ჯაფარიძე
- "ვნანობ, რომ ჩემი შვილისთვის "ოზემპიკის" გაკეთებას დავთანხმდი, არაფერი ვიცოდი ამ "სასტიკ პრეპარატზე" - რა შეემთხვა თეონა კონტრიძის ქალიშვილს
- "რა დაემართა მის თვალებს?" - 50 წლის ანჯელინა ჯოლის ახალი ფოტოები და შეცვლილი გარეგნობა, რომელიც განხილვის საგანია