პოლიტიკური და ეკონომიკური კრიზისი რუმინეთში - პრემიერ-მინისტრმა თანამდებობა დატოვა, მთავრობა ეროვნული ვალუტის მნიშვნელოვნად გაუფასურებას ებრძვის: ბოლო ცნობები
მას შემდეგ, რაც მმართველი კოალიციის ერთ-ერთი პარტია ულტრამემარჯვენე ოპოზიციას შეუერთდა, რუმინეთის პარლამენტმა პრემიერ-მინისტრ ილიე ბოლოჟანის უნდობლობა გამოუცხადა.
-
ქვეყნის უდიდესმა პარტიამ, სოციალ-დემოკრატებმა, აპრილში დატოვეს ბოლოჟანის ოთხპარტიული კოალიცია. დაპირისპირების მიზეზი მთავრობის ეკონომიკური პოლიტიკა გახდა.
აღსანიშნავია, რომ ბოლოიანის კოალიცია ხელისუფლებაში 10 თვის წინ მოვიდა. მისი ერთ-ერთი მთავარი მიზანი იყო ულტრამემარჯვენე ძალის, რუმინელთა გაერთიანების ალიანსის გავლენის შეზღუდვა. ხელისუფლებაში მოსვლის შემდეგ, კოალიციამ ბიუჯეტის დეფიციტის შემცირების მიმართულებით აქტიური ნაბიჯები გადადგა. თუმცა, ამ პოლიტიკამ სერიოზული უთანხმოება გამოიწვია სოციალ-დემოკრატიული პარტიათან, რადგან მკაცრმა ეკონომიკურმა ზომებმა განსაკუთრებით დააზარალა მემარცხენე ამომრჩევლები.
მიუხედავად კრიზისისა, შემდეგი საპარლამენტო არჩევნები 2028 წლისთვის არის დაგეგმილი, ხოლო ვადამდელი არჩევნების ჩატარება ამ ეტაპზე ნაკლებად სავარაუდოდ მიიჩნევა.
შექმნილი პოლიტიკური არასტაბილურობა უკვე აისახა ეკონომიკაზე - ფინანსური ბაზრები შიშობენ, რომ ქვეყანას გაუჭირდება ევროკავშირის წინაშე აღებული ვალდებულების შესრულება.
-
ამ ფონზე, ეროვნული ვალუტა - რუმინული ლეი, მნიშვნელოვნად გაუფასურდა და ევროსთან მიმართებაში რეკორდულად დაბალ ნიშნულამდე დაეცა.
რუმინეთის პრეზიდენტმა ნიკუშორ დენიმ აღნიშნა, რომ წინ რთული პოლიტიკური მოლაპარაკებებია:
“პოლიტიკური დისკუსიები რთული იქნება, მაგრამ ჩემი, როგორც პრეზიდენტის, და პოლიტიკური პარტიების მოვალეობაა, რუმინეთი სწორ გზაზე დავაყენოთ“, - განაცხადა მან ჟურნალისტებთან.
არსებული ვითარებიდან გამომდინარე, პრეზიდენტი, სავარაუდოდ, პრემიერ-მინისტრის პოსტზე ბოლოჟანის პარტიის სხვა წევრს წარადგენს. ახალი მთავრობის დამტკიცებამდე კი, ილიე ბოლოჟანი მოვალეობის შემსრულებლის სტატუსით გააგრძელებს მუშაობას.
იხილეთ ასევე: