საქართველოს მართლმადიდებელი ეკლესიის 142-ე პატრიარქი მეუფე შიო მუჯირი იქნება

საქართველოს ეკლესიამ ახალი კათოლიკოს- პატრიარქი აირჩია. ქვეყნის 142-ე კათოლიკოს - პატრიარქი საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) გახდა. მეუფე შიომ 22 ხმა მიიღო.

რაც შეეხება პატრიარქობის სხვა კანდიდატებს, ურბნისისა და რუისის ეპარქიის მიტროპოლიტმა იობმა 9 ხმა მიიღო, ფოთისა და ხობის მიტროპოლიტმა გრიგოლმა კი 7 ხმა. გაუქმდა ერთი ხმა.

ტაძარში შესვლა 10:00 საათიდან დაიწყო. პატრიარქის არჩევის დღეს სამების საკათედრო ტაძრის ეზოში დასწრება ნებისმიერ მსურველს შეეძლო. გაფართოებული სხდომა 13 საათზე გაიხსნა.

დღესვე ინტრონიზაციის საკითხი გამოცხადდება, რომლის თარიღის შესახებ გადაწყვეტილება უკვე გამორჩეულმა პატრიარქმა უნდა მიიღოს.

იხილეთ ასევე:

• წმინდა სინოდმა ისტორიული არჩევანი გააკეთა - ყველაფერი საქართველოს ახალ კათოლიკოს-პატრიარქ შიო მესამეზე
• გაფართოებული საეკლესიო კრების განმარტებით, ახალარჩეულ პატრიარქს შიო III ეწოდა
• ბიძინა და ეკატერინა ივანიშვილების მილოცვა მეუფე შიოს - "დღეიდან თქვენ გაკისრიათ საპატიო და ამავდროულად საპასუხისმგებლო მისია"

შეგახსენებთ, სრულიად საქართველოს კათოლიკოს-პატრიარქი, უწმინდესი და უნეტარესი ილია II 93 წლის ასაკში 2026 წლის 17 მარტს გარდაიცვალა, რის შემდეგაც დღის წესრიგში დადგა საქართველოს მართლმადიდებელი ეკლესიის ახალი მამამთავრის არჩევის საკითხი.

წაიკითხეთ ასევე:

• "ყველასგან განსხვავებული იყო გარეგნობით თუ ხასიათით. ვირტუოზულად უკრავდა ჩელოზე..." - რას იხსენებენ მეგობრები მეუფე შიოზე