"თბილისის გულში მდებარე ეს ცათამბჯენი ღირსშესანიშნაობად გადაიქცევა" - დონალდ ტრამპის ვაჟი აქვეყნებს იმ შენობის რენდერს, რომელიც საქართველოში უნდა აშენდეს
აშშ-ის პრეზიდენტის, დონალდ ტრამპის ვაჟი, Trump Organization-ის ვიცეპრეზიდენტი, ერიკ ტრამპი X-ში ოფიციალურ გვერდზე აქვეყნებს Trump Tower Tbilisi-ს რენდერის ფოტოს და წერს:
"მოხარული ვარ, გაგიზიაროთ ტრამპ თაუერ თბილისის ოფიციალური ვიზუალური რენდერი.
-
პრემიუმ ადგილას, თბილისის გულში მდებარე ეს ცათამბჯენი სწრაფად გადაიქცევა ღირსშესანიშნაობად, როგორც საქართველოს ყველაზე მაღალი შენობა.
ეს ჩვენი პირველი პროექტია რეგიონში და ძალიან გვიხარია, რომ მას რეალობად ვაქცევთ", - წერს ერიკ ტრამპი.
- The Trump Organization-ის ოფიციალური პრეს-რელიზის მიხედვით, 70-სართულიანი პრემიუმ კლასის ცათამბჯენი ცენტრალურ პარკთან (ყოფილი იპოდრომი) ახლოს უნდა აშენდეს. ის იქნება ყველაზე მაღალი შენობა მთელი საქართველოს მასშტაბით.
მათივე ცნობით, ფეშენებელური ცათამბჯენი მსოფლიოს უდიდესი არქიტექტურული ფირმის, Gensler-ის მიერ დაპროექტდება და ეს იქნება მრავალფუნქციური ცენტრი, რომელიც სხვადასხვა ტიპის სივრცეს გააერთიანებს.