"ადამიანს თუ მიზანი აქვს, ყველაფრის გაკეთება შეუძლია" - რა თქვა ჩემპიონთა ლიგის ორგზის ჩემპიონმა, ხვიჩა კვარაცხელიამ
ხვიჩა კვარაცხელია პსჟ-სთან ერთად, ჩემპიონთა ლიგის უკვე ორგზის გამარჯვებულია. ფინალში პარიზელებმა ლონდონის არსენალი მძიმე ბრძოლაში, საბოლოოდ პენალტების სერიაში დაამარცხეს. მატჩის შემდეგ "კვარამ" თავისი ემოციები მედიას გაუზიარა:
"დღეს რაც მოხდა, ამის წარმოდგენა ჩემთვის ძალიან შორს იყო, პირველი ხომ შორს იყო და მეორე თითქმის წარმოუდგენელი იყო. მივხვდი, რომ ადამიანს თუ მიზანი აქვს, ყველაფრის გაკეთება შეუძლია.
ბედნიერი ვარ, რომ მომეცა საშუალება მე ვიყო ასეთ სიტუაციაში და იმედია, იგივეს კიდევ ბევრი ქართველი განიცდის. ეს ისეთი გრძნობაა, რომ აუცილებლად ბევრმა უნდა მიიღოს.
ნაკრების ფეხბურთელების ემოციები? - ვიდეო ვნახე და მოხარული ვარ, რომ მათი თანაგუნდელი ვარ. ჩვენ ერთი დიდი ოჯახი ვართ და როგორც დღეს არიან ჩემით ბედნიერები, იგივენაირად ვარ ხოლმე, როცა ისინი აღწევენ წარმატებას", - აღნიშნა ხვიჩამ.