"სალონში მიაცილა ცოლი და შვილი... არანაირი სავარაუდო მიზეზი არ გვაქვს“ - რას ჰყვება ბათუმში, ქუჩაში მოკლული მამაკაცის ახლობელი?

დღეს ბათუმში, ბონის დასახლებაში, ცენტრალური ბაზრის ტერიტორიაზე ქუჩაში მყოფ მამაკაცს ცეცხლი გაუხსნეს.

45 წლის როლანდ (როლიკა) დავითაძეს უცნობმა პირმა 7-8-ჯერ ესროლა. მან ჭრილობა სხეულის სხვადასხვა არეში მიიღო. მამაკაცი კლინიკაში გადაყვანის შემდეგ გარდაიცვალა.

• როგორც ოჯახის ახლობელი Palitravideo-თან აცხადებს, როლიკა დავითაძემ მეუღლე და შვილი სალონში მიაცილა, რის შემდეგაც მათ ქუჩაში ელოდებოდა და სწორედ იმ დროს ესროლეს.

"სალონში მიაცილა ცოლი და შვილი, იქვე სალონის წინ ესროლეს. მეუღლე და შვილი კარგად არიან. არანაირი მიზეზი არ გვაქვს, არც სავარაუდო, რატომ ესროლეს. "ჯეოსელში" მუშაობდა," - უყვება ოჯახის ახლობელო palitravideo-ს.

შინაგან საქმეთა სამინისტრომ გამოძიება სისხლის სამართლის კოდექსის 108-ე და 236-ე მუხლებით დაიწყო, რაც განზრახ მკვლელობასა და იარაღის უკანონოდ შეძენა-შენახვა-ტარებას გულისხმობს.

იხილეთ ასევე:

• ცნობილია ბათუმში მოკლული მამაკაცის ვინაობა - ახალი დეტალები
• "სალონში ჰყოლია ცოლ-შვილი მოყვანილი, მათ ელოდებოდა და მაგ დროს 7-8 ტყვია გავარდა...” - ახალი დეტალები ბათუმში მოკლული მამაკაცის შესახებ