“ქართული ოცნების“ რეჟიმი ხელს უწყობს ირანისა და ჩინეთის კომუნისტური პარტიის უკანონო ქმედებებს - მადლიერი ვარ, რომ პრეზიდენტი არაკეთილსინდისიერი სახელმწიფოსგან ქცევის შეცვლას მოითხოვს!“ - ჯო უილსონი
ამერიკელი, რესპუბლიკელი კონგრესმენი ჯო უილსონი მადლობას უხდის აშშ-ის პრეზიდენტს დონალდ ტრამპს, რომ “ქართული ოცნებისგან“ “ქცევის შეცვლის“ მოთხოვნის გამო.
- კონგრესმენის თქმით, “ქართული ოცნება” ხელს უწყობს ირანისა და ჩინეთის ქმედებებს.
"ანტიამერიკული “ქართული ოცნების“ რეჟიმი ხელს უწყობს ირანისა და ჩინეთის კომუნისტური პარტიის უკანონო ქმედებებს, მაშინ როცა საკუთარ ხალხს უკანონოდ აპატიმრებს. მადლიერი ვარ, რომ პრეზიდენტი ტრამპი ამ არაკეთილსინდისიერი სახელმწიფოსგან ქცევის შეცვლას მოითხოვს!" , - წერს უილსონი.
- შეგახსენებთ, ამერიკის შეერთებული შტატების სახელმწიფო მდივანი, მარკო რუბიო იმედოვნებს, რომ აშშ საქართველოს შემთხვევაში არსებული ტრაექტორიის ცვლილებას დაინახავს.
კერძოდ, მარკო რუბიომ კონგრესში უპასუხა კონგრესმენ ჯო უილსონის შეკითხვას, რომელმაც “ქართული ოცნება“ ირანისა და ჩინეთის მხარდაჭერაში დაადანაშაულა. უფრო კონკრეტულად, ჯო უილონმა მარკო რუბიოს ჰკითხა, რა უნდა გაკეთდეს, რათა “მოვაგვაროთ საქართველოში ქართული ოცნების მთავრობის მიერ მხარდაჭერილი სწრაფი რადიკალიზაცია”.
აშშ-ს სახელმწიფო მდივანმა კონგრესმენს უთხრა, რომ “მართალია“ და ყველაფერი, რაც აღნიშნა, აშშ-ის “არსებული შეშფოთებებია“, თუმცა დასძინა, რომ საქართველოს მთავრობამ გარკვეული ნაბიჯები გადადგა, რომელიც ვაშინგტონს მიანიშნებს, რომ მათ ურთიერთობების გაუმჯობესება სურთ. შესაბამისად, მარკო რუბიოს განცხადებით, აშშ-მა “ქართულ ოცნებასთან“ მოთხოვნები წარადგინა, რაზეც “გარკვეული დადებითი პასუხები“ მიიღო. აშშ-ის სახელმწიფო მდივანი იმედოვნებს, რომ ვაშინგტონი საქართველოს შემთხვევაში “დღეს არსებული ტრაექტორიის ცვლილებას დაინახავს“.
რუბიომ აღნიშნა ისიც, რომ საქართველოს ხელისუფლებამ თავად ჰკითხა, თუ რა იქნება საჭირო შეერთებულ შტატებთან უკეთესი ურთიერთობებისთვის, რაზეც უპასუხა ვაშინგტონმა. რუბიო იმედოვნებს, რომ ამის საფუძველზე პროგრესი იქნება მიღწეული და, “არა მხოლოდ საქართველოსთან ურთიერთობების ტრაექტორიის, არამედ მათი საქციელის შეცვლას შევძლებთ“.
იხილეთ ასევე: