როგორ გავიგოთ, აქვს თუ არა თქვენს ცხოველს ალერგია?

თუ გაზაფხულსა და ზაფხულში ცემინება, ცრემლდენა და ალერგიის სხვა სიმპტომები გაწუხებთ, შესაძლოა ფიქრობდეთ, რომ ეს მხოლოდ ადამიანების პრობლემაა. თუმცა, სპეციალისტები ამბობენ, რომ სეზონური და სხვა ტიპის ალერგიები შინაურ ცხოველებსაც აწუხებთ.

ვეტერინარების თქმით, კატებსა და ძაღლებს შეიძლება ალერგია ჰქონდეთ მტვერზე, ბალახებზე, მტვრის ტკიპებზე, რწყილებზე, საკვებზე, სუნამოებსა და სხვა გარემო ფაქტორებზე. თუმცა, ადამიანებისგან განსხვავებით, მათი ალერგია უმეტესად კანის პრობლემებით ვლინდება და არა ცემინებითა თუ ცხვირის გაჭედვით.

• როგორ მივხვდეთ, რომ შინაურ ცხოველს ალერგია აქვს?

ალერგიის ყველაზე გავრცელებული ნიშანი ძლიერი და მუდმივი ქავილია. ცხოველი ხშირად ილოკავს, იკბინება ან იფხანს სხეულის სხვადასხვა ნაწილს, განსაკუთრებით თათებს, ყურებსა და მუცლის არეს.

ასევე შეიძლება გამოვლინდეს:

• თვალებიდან გამონადენი და ცრემლდენა;
• სურდო;
• ყურის ხშირი ინფექციები;
• თავის ქნევა;
• კანის სიწითლე და გაღიზიანება;
• კატებში – ასთმის მსგავსი სიმპტომები.

ხანგრძლივმა ქავილმა შესაძლოა გამოიწვიოს ე.წ. „ცხელი წერტილების“ წარმოქმნა — კანის გაწითლებული და დაზიანებული უბნები, რომლებიც დროთა განმავლობაში ინფექციის წყაროდ შეიძლება იქცეს.

• როგორ სვამენ დიაგნოზს?

ალერგიის დადგენა ხშირად ხანგრძლივი პროცესია. თავდაპირველად ვეტერინარი სხვა შესაძლო მიზეზების გამორიცხვას ცდილობს. თუ ინფექციები, პარაზიტები და სხვა დაავადებები გამოირიცხა, იწყება ალერგენის მოძიება.

სპეციალისტები მფლობელებს ურჩევენ შინაური ცხოველის დღიური აწარმოონ და დააკვირდნენ:

• როდის იწყება სიმპტომები;
• სეზონურია თუ არა პრობლემა;
• რა საკვებს იღებს ცხოველი;
• რა გარემოში ატარებს დროს.

როგორ მკურნალობენ ალერგიას?

მკურნალობის პირველი მიზანი ქავილისა და დისკომფორტის შემცირებაა. ამისთვის გამოიყენება:

• სპეციალური ინიექციები;
• აბები;
• სამკურნალო შამპუნები;
• სპრეები.

თანამედროვე მედიკამენტები ბევრად უფრო ეფექტურია და ნაკლები გვერდითი მოვლენა აქვს, ვიდრე ძველი სტეროიდული პრეპარატებს.

• შესაძლებელია თუ არა ალერგიის სრულად კონტროლი?

თუ ალერგენის დადგენა მოხერხდა, შესაძლებელია ე.წ. ალერგენ-სპეციფიკური იმუნოთერაპიის ჩატარება. ამ მეთოდის დროს ცხოველს მცირე დოზებით აწვდიან იმ ნივთიერებას, რომელზეც ალერგიულია, რათა ორგანიზმი თანდათან შეეჩვიოს მას.

მიუხედავად იმისა, რომ მკურნალობა ხანგრძლივი და შედარებით ძვირია, სპეციალისტების თქმით, შედეგი ხშირად ძალიან ეფექტურია და ბევრ ცხოველს სიმპტომები მნიშვნელოვნად უმცირდება ან სრულიად უქრება.

წყაროი

იხილეთ ასევე:

• "ეს დღე დაწყევლილი იყო" - ინციდენტი პარკში: დათვი ოჯახის მანქანას დაესხა თავს